உளுந்தூர்பேட்டை வட்டத்தைச் சேர்ந்த 4 நபர்களுக்கு கொத்தடிமை மறுவாழ்வு நிவாரண நிதி உதவித்தொகை கலெக்டர் இல.சுப்பிரமணியன் வழங்கினார்

விழுப்புரம் கலெக்டர் அலுவலக கூட்டரங்கில், திருவள்ளுர் மாவட்டம் பொன்னேரிப்பகுதியில் செங்கல் சூளையில் கொத்தடிமைகளாக வேலைபார்த்து மீட்பு செய்து வந்த, விழுப்புரம் மாவட்டம், உளுந்தூர்பேட்டை வட்டத்தைச் சேர்ந்த 4 நபர்களுக்கு கொத்தடிமை மறுவாழ்வு நிவாரண நிதி உதவித்தொகையாக தலா ரூ.19,000-க்கான காசோலையை கலெக்டர் .இல.சுப்பிரமணியன்,, வழங்கினார்.விழுப்புரம் மாவட்டம் உளுந்தூர்பேட்டை வட்டம் கொண்டசமுத்திரம் கிராமத்தைச் சேர்ந்த செல்வன்.சரத்குமார் த/பெ.அய்யசாமி, நன்னாவரம் கிராமத்தைச் சேர்ந்த ஜீவன்ராஜ் த/பெ.நடேசன், ஆணைவாரி கிராமத்தைச் சேர்ந்த சுலோக்சனா கபெ.ஜெயக்குமார், ஜெயக்குமார் த/பெ.சாம்பமூர்த்தி ஆகிய ஆதிதிராவிடர் இனத்தைச் சேர்ந்த 4 நபர்கள் பல வருடங்களாக கொத்தடிமைகளாக திருவள்ளுர் மாவட்டத்தில் செங்கல்சூலையில் இருந்தனர். இவர்களை திருவாரூர் வருவாய் கோட்டாட்சியர், திருவள்ளுவர் சார் ஆட்சியர் ஆகியோர் கண்டறிந்து மீட்டு, திருக்கோவிலூர் வருவாய் கோட்டாட்சியர் செந்தாமரை அவர்களிடம் ஒப்படைந்தார்.இவர்களுக்கு கலெக்டர் .இல.சுப்பிரமணியன்,, கொத்தடிமைகள் மறுவாழ்வு திட்டத்தின் கீழ், 4 நபர்களுக்கும் தலா ரூ.19,000- வீதம் ரூ.76,000-க்கான காசோலையை வழங்கினார்.இந்நிகழ்வின்போது, மாவட்ட வருவாய் அலுவலர் சி.ராஜசேகரன், மாவட்ட ஆதிதிராவிடர் மற்றும் பழங்குடியினர் நல அலுவலர் பிரகாஷ்வேல் மற்றும் பலர் உடன் உள்ளனர்.