மக்கள் குறை தீர்க்கும் நாள் கூட்டத்தில் நலதிட்ட உதவிகள் : கலெக்டர் சுந்தரவல்லி வழங்கினார்

திருவள்ளுர் மாவட்ட கலெக்டர் அலுவலக கூட்ட அரங்கில் மக்கள் குறை தீர்க்கும் நாள் கூட்டம் மாவட்ட கலெக்டர் எ.சுந்தரவல்லி தலைமையில் நடைபெற்றது.

காசோலைகள்

இக்கூட்டத்தில் பொது மக்களின் கோரிக்கை மனுக்களை மாவட்ட கலெக்டர் பெற்றுக் கொண்டார். மேலும், இக்கூட்டத்திற்கு மாவட்டத்தின் பல்வேறு பகுதிகளிலிருந்து வருகை புரிந்த பொதுமக்கள் தங்களது தனிப்பட்ட குறைகளை நிவர்த்தி செய்யவும், உதவிகள் வழங்கிடவும் கோரி மனுக்களை அளித்தனர். இதில் நிலம் சம்பந்தமாக 84 மனுக்களும், சமூக பாதுகாப்பு திட்டம் 72 மனுக்களும், சமூக நலத்திட்டம் 7 மனுக்களும், குடும்ப அட்டை 1 மனுவும், ஆதிதிராவிடர் , பிற்படுத்தப்பட்டோர் நலம் 2 மனுக்களும், வேலைவாய்ப்பு 30 மனுக்களும், கல்வி 3 மனுக்களும், சட்டம் மற்றும் ஒழுங்கு 17 மனுக்களும், ஊரக , நகர்ப்புற வளர்ச்சி 8 மனுக்களும், கடனுதவி 5 மனுக்களும், அடிப்படை வசதி , போக்குவரத்து , சுகாதாரம் 4 மனுக்களும், வேளாண்மை , கால்நடைத்துறை , மீன்வளம் 3 மனுக்களும், இதரதுறை 42 மனுக்களும், பேரிடர்கள் 3 மனுக்களும், சான்றிதழ் 2 மனுக்களும், சான்றிதழ் நகல்கள் 1 மனுவும் என மொத்தம் 284 மனுக்கள் பெறப்பட்டது.

இம்மனுக்களின் மீது உரிய நடவடிக்கை மேற்கொண்டு, தகுதியுள்ள பயனாளிகளுக்கு அரசு நலத்திட்ட உதவிகளை வழங்கிட துறை அலுவலர்களுக்கு உத்திரவிட்டார். இக்கூட்டத்தில் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகம் சார்பில் 7 பயனாளிகளுக்கு விலையில்லா தையல் இயந்திரங்களையும்; (ரூ.3386ஓ7-ரூ.23,702), 2 பயனாளிகளுக்கு விலையில்லா சலவைப் பெட்டிகளையும் (ரூ.4549 ஓ 2 - ரூ. 9098), வருவாய் துறையின் சமூக பாதுகாப்பு திட்டம் சார்பில் நலிந்த கலைஞர்கள் நிதியுதவி வழங்கும் திட்டத்தின் கீழ் 3 நபர்களுக்கு ரூ. 7500 வீதம் மொத்தம் ரூ. 22,500-க்கான காசோலைகளையும் மாவட்ட கலெக்டர் வழங்கினார்.

இக்கூட்டத்தில் மாவட்ட வருவாய் அலுவலர் கே.முத்து, தனித்துணை ஆட்சியர் (சமூக பாதுகாப்ப திட்டம்) சீ.ஜானகிராமன், மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் சர்மிலி மற்றும் அரசு அலுவலர்கள் கலந்துக்கொண்டனர்.