ராம்கோ தொழில்நுட்பக் கல்லூரியில் மின்னியல் மற்றும் மின்னனுவியல் துறை சார்பாக இலவச செயல்முறைப் பயிற்சி

 ராஜபாளையம், - ராம்கோ தொழில்நுட்பக் கல்லூரியில் 9,10,11 மற்றும் 12ஆம் வகுப்பு பள்ளி மாணவ, மாணவியருக்கு மின்னியல் மற்றும் மின்னனுவியல் துறை சார்பாக இலவச செயல்முறைப் பயிற்சி 2019 ஏப்ரல் 22 முதல் 26 வரை “ஹேண்ட்ஸ் ஆன் டிரெயினிங் ஆன் ஆர்டினோ புரோகிராமிங் அண்டு ஹார்டுவேர்” என்ற தலைப்பில் நடைபெற்றது. இப்பயிற்சியை மின்னியல் மற்றும் மின்னனுவியல் துறை இணை-பேராசிரியர் டாக்டர். மு. கார்த்திகேயன் அவர்கள் தொடங்கி வைத்தார். 74 மாணவர்கள் பங்கேற்ற இந்த பயிற்சியில் 14 வெவ்வேறு பள்ளிகளை சேர்ந்த மாணவ, மாணவியர்கள் ஆர்வமுடன் பங்கேற்றனர்.
ஆர்டினோ போர்டு பற்றிய அடிப்படை தொழில் நுட்பத்திலிருந்து எவ்வாறு புதுமையான மினி பிராஜக்ட் செய்ய முடியும் என்பதை மாணவர்கள் 5 நாட்களில் கற்றனர். மின்னியல் மற்றும் மின்னனுவியல் துறையைச் சேர்ந்த அனுபவமிக்க உதவி பேராசிரியர்கள் அருண் குமார், ஜெயந்தி மற்றும் சர்மிளாகுமாரி மாணவர்களுக்கு பயனுள்ள பல தொழில்நுட்பங்களை எளிமையாக கற்றுக் கொடுத்தனர். பயிற்சியின் இறுதியாக மாணவர்களின் செயல் திறனை சோதிக்கும் வகையில் செயல்திறன் போட்டி நடைபெற்று வெற்றி பெற்ற குழுவிற்கு பரிசு வழங்கப்பட்டது. இறுதியாக 26ஆம் தேதி நடைபெற்ற விழாவில் உதவி பேராசிரியர் ஆ.அருண் குமார் தொகுத்து வழங்க, கல்லூரி முதல்வர் முனைவர் ஜவஹர் அவர்கள் மாணவர்களை பாராட்டி சான்றிதழ்களை வழங்கினார். இறுதியாக உதவி பேராசிரியர் ஜெயந்தி   நன்றியுரை வழங்கினார்