கிருஷ்ணகிரி : தமிழகத்தில் 10 நாட்களில் கொரோனா பாதிப்பை குறைக்க நடவடிக்கை எடுத்து வருவதாக முதல்வர் எடப்பாடி பழனிசாமி தெரிவித்தார்.
கிருஷ்ணகிரி மாவட்ட கலெக்டர் அலுவலகத்தில் நடந்த ஆலோசனை கூட்டத்திற்கு பின்னர் நிருபர்களிடம் முதல்வர் எடப்பாடி பழனிசாமி கூறியதாவது:-
கொரோனாவால் பாதிக்கப்பட்டோருக்கு சிகிச்சை அளிக்க கூடுதலாக ஆயிரத்திற்கும் மேலான டாக்டர்கள் நியமிக்கப்பட்டுள்ளனர். வீடு வீடாக சென்று கொரோனா பாதிப்பை கண்டறிந்து சிகிச்சை அளிக்கப்படுகிறது. தமிழகத்தில் 10 நாட்களில் கொரோனா பாதிப்பு குறைய அரசு நடவடிக்கை எடுத்து வருகிறது. மக்களின் ஒத்துழைப்பு இருந்தால் தான் கொரோனாவை குறைக்க முடியும்.
சென்னை மாநகராட்சி பகுதியில் 600-க்கும் மேற்பட்ட காய்ச்சல் முகாம்கள் நடத்தப்படுகின்றன. சென்னையில் கொரோனா தொற்று குறைந்து வருகிறது. தமிழக மக்களின் வாழ்வாதாரத்திற்கு தேவையான அனைத்து உதவிகளையும் அரசு செய்கிறது. இவ்வாறு அவர் கூறினார்.
