மே. வங்க அரசு தலைமை வழக்கறிஞர் ராஜினாமா

Kishore-Dutta 2021 09 15

Source: provided

கொல்கத்தா  : மேற்கு வங்காள மாநில அரசு தலைமை வழக்கறிஞர் கிஷோர் தத்தா நேற்று முன்தினம் தனது பதவியை ராஜினாமா செய்தார். தனிப்பட்ட காரணங்களால் ராஜினாமா செய்வதாக அவர் தெரிவித்துள்ளார். 

இந்நிலையில் அம்மாநில கவர்னர் ஜெகதீப் தங்கர் வெளியிட்ட டுவிட்டர் பதிவில்,

அரசியல் சாசனத்தின் 165-வது பிரிவின் அடிப்படையில், மேற்கு வங்காள அரசு தலைமை வழக்கறிஞர் பதவியில் இருந்து கிஷோர் தத்தாவின் ராஜினாமா உடனடியாக ஏற்கப்படுகிறது என்று தெரிவித்துள்ளார்.

கடந்த 2017-ம் ஆண்டு பிப்ரவரியில் தலைமை வழக்கறிஞராக பதவி ஏற்ற கிஷோர் தத்தா, மம்தா பானர்ஜி ஆட்சிக் காலத்தில் இப்பதவியை ராஜினாமா செய்த 4-வது வழக்கறிஞர் என்பது குறிப்பிடத்தக்கது. இவருக்கு முன், அனிந்திய மித்ரா, பிமல் சட்டர்ஜி, ஜெயந்த மித்ரா ஆகிய அரசு தலைமை வழக்கறிஞர்களும் தங்கள் பதவியை ராஜினாமா செய்து விட்டனர்.

இதை ஷேர் செய்திடுங்கள்:

வீடியோ

View all comments

வாசகர் கருத்து