முக்கிய செய்திகள்
Idhayam Matrimony

ஒருவர் தன் கடமையை மறப்பதே இந்தியா பலவீனமடைய காரணம்: பிரதமர் நரேந்திரமோடி பேச்சு

வியாழக்கிழமை, 20 ஜனவரி 2022      இந்தியா
Image Unavailable

ஒருவரின் கடமைகளை முழுவதுமாக மறப்பது இந்தியாவை பலவீனமாக வைத்திருப்பதில் பெரும் பங்கு வகிக்கிறது என்றும், நாம் பாகுபாடுகளுக்கு இடமில்லாத ஓர் அமைப்பை உருவாக்குகிறோம். சமத்துவம் மற்றும் சமூக நீதியின் அடித்தளத்தில் உறுதியாக நிற்கும் ஒரு சமூகத்தை நாங்கள் உருவாக்குகிறோம் என்றும் பிரதமர் மோடி தெரிவித்துள்ளார்.

சுதந்திரத்தின் 75-வது ஆண்டு பெருவிழாவில் இருந்து பொன் இந்தியாவை நோக்கி எனும் தேசிய விழாவை பிரதமர் நரேந்திர மோடி நேற்று காணொலி காட்சி மூலம் தொடங்கி வைத்தார். இதேபோல பிரம்ம குமாரிகளின் 7 திட்டங்களையும் அவர் தொடங்கி வைத்தார். 

திட்டங்களை தொடங்கி வைத்து பிரதமர் மோடி பேசியதாவது., இந்த நிகழ்ச்சியில் பொன் இந்தியாவுக்கான உணர்வும் உள்ளது. ஆன்மிக பயிற்சியும் இருக்கிறது. இதில் நாட்டிற்கு உத்வேகம் உள்ளது. பிரம்ம குமாரிகளின் முயற்சியும் உள்ளது. நமது முன்னேற்றம் நாட்டின் முன்னேற்றத்தில் உள்ளது. தேசம் நம்மிடம் இருந்து இருக்கிறது. நாம் தேசத்தில் இருக்கிறோம். இந்த உணர்வு புதிய இந்தியாவை உருவாக்குவதில் நமக்கு மிகப்பெரிய பலமாக மாறி வருகிறது. புதிய இந்தியாவை நோக்கி நாங்கள் பயணிக்கிறோம்.

இன்று நாம் பாகுபாடுகளுக்கு இடமில்லாத ஓர் அமைப்பை உருவாக்குகிறோம். சமத்துவம் மற்றும் சமூக நீதியின் அடித்தளத்தில் உறுதியாக நிற்கும் ஒரு சமூகத்தை நாங்கள் உருவாக்குகிறோம். சிந்தனையும், அணுகுமுறையும் புதுமையானவை. முற்போக்கான முடிவுகள் கொண்ட இந்தியா உருவாவதை நாங்கள் காண்கிறோம். நமது ஆன்மிகம், பண்முகத் தன்மை ஆகியவை பாதுகாக்கப்பட வேண்டும். மேம்படுத்தப்பட வேண்டும். அதே நேரத்தில் தொழில்நுட்பம், உள் கட்டமைப்பு, கல்வி, சுகா தாரம் ஆகியவை தொடர்ந்து நவீன மயமாக்கப்பட வேண்டும்.

கடந்த 75 ஆண்டுகளில் உரிமைகள், உரிமைகளுக்காக போராடுவது, நேரத்தை வீணடிப்பது என்று மட்டுமே பேசினோம். ஒருவரின் கடமைகளை முழுவதுமாக மறப்பது இந்தியாவை பலவீனமாக வைத்திருப்பதில் பெரும் பங்கு வகிக்கிறது. சுதந்திரம் அடைந்த 75 வருடங்களில் நம் சமூகத்தில், நம் தேசத்தில் ஒரு தீமை அனைவரையும் சூழ்ந்துள்ளது என்பதையும் ஒப்புக்கொள்ள வேண்டும். ஒவ்வொரு குடிமகன் இதயத்திலும், நாம் அனைவரும் தீபம் ஏற்ற வேண்டும். அனைவரும் ஒன்றிணைந்து கடமையின் பாதையில் நாட்டை முன்னோக்கி கொண்டு செல்வோம். அப்போது சமூகத்தில் நிலவும் தீமைகள் அகற்றப்பட்டு, நாடும் புதிய உச்சத்தை எட்டும். இவ்வாறு பிரதமர் மோடி பேசினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
more
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.