கனடாவுடன் இணைந்து செயல்பட வேண்டும் : இந்தியாவுக்கு ஜஸ்டின் ட்ரூடோ அழைப்பு

நியூயார்க் : காலிஸ்தான் பயங்கரவாதி கொலையில் நீதி வழங்குவதற்கு கனடாவுடன் இணைந்து செயல்பட வேண்டும் என்று இந்தியாவுக்கு ஜஸ்டின் ட்ரூடோ அழைப்பு விடுத்துள்ளார். 

இது தொடர்பாக அவர் செய்தியாளர்களிடம் கூறுகையில், 

இந்த விஷயத்தை (நிஜ்ஜர் கொலை) இந்திய அரசு தீவிரமாக எடுத்துக் கொள்ள வேண்டும். இந்த விஷயத்தில் முழு வெளிப்படைத்தன்மையை வெளிப்படுத்தவும், பொறுப்புக்கூறல் மற்றும் நீதியை உறுதிப்படுத்தவும் எங்களுடன் இணைந்து பணியாற்ற வேண்டும் என்றும் நாங்கள் கேட்டுக்கொள்கிறோம் என கூறினார். 

இந்தியாவின் விசா ரத்து நடவடிக்கை குறித்த கேள்விக்கு அவர் பதிலளிக்கும் போது, நாம் சட்டத்தின் ஆட்சி நடைபெறும் நாடு. கனடா நாட்டு குடிமக்களைப் பாதுகாப்பாக வைத்திருக்கவும், நமது மதிப்புகள் மற்றும் சர்வதேச விதிகள் அடிப்படையிலான ஒழுங்கை நிலைநிறுத்தவும் தேவையான பணிகளை நாங்கள் தொடர்ந்து செய்வோம். இப்போது எங்கள் கவனம் அதுதான் என்றும் அவர் கூறினார்.