புதிய தேர்வு அட்டவணையை வெளியிட்டது அண்ணா பல்கலை.,

சென்னை, இளநிலை மற்றும் முதுநிலை பட்டப்படிப்புகளுக்கான புதிய தேர்வு அட்டவணையை அண்ணா பல்கலைக்கழகம் வெளியிட்டுள்ளது.

வங்கக் கடலில் உருவான மிக்ஜம் புயல் காரணமாக சென்னை மற்றும் அதன் அண்மை மாவட்டங்களில் கனமழை மற்றும் அதன் தொடர்ச்சியாக ஏற்பட்ட வெள்ளம் காரணமாக, அண்ணா பல்கலைக்கழகம் பருவத் தேர்வுகளை ஒத்திவைத்திருந்தது. டிசம்பர் 5 மற்றும் 8ஆம் தேதிகளில் நடைபெறவிருந்த பருவத் தேர்வுகள் ஒத்திவைக்கப்படுவதாக பல்கலைக்கழக தேர்வுக் கட்டுப்பாட்டாளர் அறிவித்திருந்தார்.

கனமழையால் ஒத்திவைக்கப்பட்ட பட்டப்படிப்புகளுக்கான  தேர்வுகளுக்கு புதிய அவட்டணையை அண்ணா பல்கலைக்கழகம் நேற்று வெளியிட்டது. அதன்படி, டிசம்பர் 11ல் தொடங்கி 2024ஆம் ஆண்டு பிப்ரவரி 17 வரை தேர்வுகள் நடைபெறும் என அட்டவணையில் தெரிவிக்கப்பட்டுள்ளது.