நெல்லையப்பர் கோவில் ஆனித்தேரோட்ட திருவிழா : கற்பக விருட்சக வாகனத்திலும் சுவாமி வீதியுலா

நெல்லை : நெல்லையப்பர் கோவில் ஆனித் தேரோட்ட திருவிழா 2ம் நாளான சுவாமி வெள்ளி கற்பக விருட்ச வாகனத்திலும், அம்பாள் வெள்ளி கமல வாகனத்திலும் ரத வீதியுலா நடந்தது.

பிரசித்தி பெற்ற நெல்லையப்பர் கோவிலில் ஆனித் தேரோட்ட திருவிழா கொடியேற்றத்துடன் துவங்கியது. இதைத்தொடர்ந்து திருவிழா நாட்களில் தினமும் காலை மற்றும் மாலையிலும் சாமி அம்பாளுக்கு சிறப்பு அபிஷேகம் அலங்கார தீபாரதனை நடைபெறுகிறது. 2ம் நாள் திருவிழாவான காலையில் சுவாமி அம்பாளுக்கு சிறப்பு அபிஷேக அலங்கார தீபாவை நடந்தது.

அதனை தொடர்ந்து சுவாமி அம்பாள் வெள்ளி சக்கரத்தில் வீதியுலா நடந்தது. இரவு 7 மணிக்கு மேல் சுவாமி வெள்ளி கற்பக விருட்ச வாகனத்திலும், அம்மன் வெள்ளிக் கமல வாகனத்திலும் வீதி உலா நடைபெற்றது. இதில் பக்தர்கள் திரளானோர் பங்கேற்று சுவாமி அம்பாள் தரிசனம் செய்தனர்.