முக்கிய செய்திகள்
Idhayam Matrimony

வாக்கு திருட்டு விவகாரத்தில் எதிர்க்கட்சிகள் குற்றச்சாட்டு: இன்று விளக்கம் அளிக்கிறது தலைமை தேர்தல் ஆணையம்

சனிக்கிழமை, 16 ஆகஸ்ட் 2025      இந்தியா
Election-Commision 2023-04-20

Source: provided

புதுடெல்லி : வாக்கு திருட்டு விவகாரத்தில் எதிர்க்கட்சிகள் குற்றச்சாட்டுகளுக்கு தலைமை தேர்தல் ஆணையம் இன்று விளக்கம் அளிக்கிறது.

பீகாரில் சட்டசபைத் தேர்தல் நெருங்குவதையொட்டி, அங்கு வாக்காளர் பட்டியல் சிறப்புத் தீவிரத் திருத்தப் பணியைத் தேர்தல் ஆணையம் மேற்கொண்டது. 2003-ஆம் ஆண்டுக்குப் பிறகு வாக்காளர் பட்டியலில் பெயர் சேர்க்கப்பட்டவர்கள் தங்களது குடியுரிமையை நிரூபிப்பதற்கான ஆவணங்களைத் தாக்கல் செய்ய வேண்டும் என்ற தேர்தல் ஆணைய உத்தரவை எதிர்த்து சுப்ரீம் கோர்ட்டில் எதிர்க்கட்சி எம்.பி.க்கள் சிலர் வழக்குத் தொடர்ந்தனர்.

இதற்கிடையே, கடந்த 1-ம் தேதி, வரைவு வாக்காளர் பட்டியலைத் தேர்தல் ஆணையம் வெளியிட்டது. அதில், 65 லட்சம் வாக்காளர்களின் பெயர்கள் இடம்பெறவில்லை. அவர்களில், 22 லட்சத்து 34 ஆயிரம் பேர் இறந்துவிட்டதாகவும், 36 லட்சத்து 28 ஆயிரம் பேர் நிரந்தரமாக இடம்பெயர்ந்துவிட்டனர் அல்லது இருப்பிடம் தெரியவில்லை என்றும், 7 லட்சம் பேர் ஒன்றுக்கு மேற்பட்ட இடங்களில் பெயர் சேர்த்திருப்பதாகவும் தேர்தல் ஆணையம் தெரிவித்தது.

இந்நிலையில், கடந்த 3 நாட்களுக்கு இந்த வழக்கில் இடைக்கால உத்தரவை நீதிபதிகள் பிறப்பித்தனர். அதில், “பீகாரில் ஏற்கனவே வாக்காளர் பட்டியலில் இடம்பெற்று, கடந்த 1-ஆம் தேதி வெளியிடப்பட்ட வரைவு வாக்காளர் பட்டியலில் நீக்கப்பட்ட 65 லட்சம் வாக்காளர்களின் பட்டியலைத் தேர்தல் ஆணையம் 19-ஆம் தேதி மாலை 5 மணிக்குள் மாவட்டத் தேர்தல் அதிகாரிகளின் இணையதளத்தில் வெளியிட வேண்டும். அவர்கள் பெயர்கள் சேர்க்கப்படாததற்கான காரணங்களையும் இணைத்து வெளியிட வேண்டும். பொதுமக்களுக்குத் தெரிந்துகொள்ள உரிமை இருக்கிறது. வாக்காளர்களின் நம்பிக்கையைப் பெற அதிகபட்ச வெளிப்படைத்தன்மை அவசியம் என்பதால் இந்த உத்தரவைப் பிறப்பிக்கிறோம் என்று தெரிவித்திருந்தனர்.

இது ஒருபுறம் இருக்க, ராகுல் காந்தி இன்று பீகாரில் யாத்திரை தொடங்க உள்ளார். பீகாரில் உள்ள சாசராம் பகுதியிலிருந்து கயா, முங்கர், பஹல்பூர், கதிகார், பூர்ணியா, மதுபானி, தர்பங்கா, பச்சிம் சாம்பரான் வழியாக அரா வரை ராகுல் காந்தி யாத்திரை செல்கிறார். இன்று தொடங்கும் இந்த யாத்திரை வரும் 30-ஆம் தேதி வரை நடைபெற உள்ளது. இந்த யாத்திரைக்கு ‘வாக்கு அதிகார் யாத்திரை’ என்று பெயர் வைக்கப்பட்டுள்ளது.

இந்நிலையில், இந்தியத் தேர்தல் ஆணையம் சார்பில் இன்று பத்திரிகையாளர் சந்திப்புக்கு ஏற்பாடு செய்யப்பட்டுள்ளது. இன்று டெல்லி ராய்சினா சாலையில் உள்ள தேசியப் பத்திரிகையாளர் மையத்தில் இந்தியத் தேர்தல் ஆணையம் பத்திரிகையாளர் சந்திப்பை நடத்த உள்ளது. இந்தப் பத்திரிகையாளர் சந்திப்பு இன்று மாலை 3 மணிக்கு நடைபெற உள்ளதாக அதிகாரப்பூர்வமாக அறிவிக்கப்பட்டுள்ளது. செய்தியாளர் சந்திப்பின்போது, வாக்குத் திருட்டு விவகாரத்தில் எதிர்க்கட்சிகள் முன்வைத்த குற்றச்சாட்டுக்கு தேர்தல் ஆணையம் அதிகாரப்பூர்வமாக ஆதாரங்களுடன் பதிலளிக்கும் என எதிர்பார்க்கப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 month ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 month ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 2 months ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 2 months ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 4 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 4 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.