கிஸ் திரைவிமர்சனம்

நாயகன் கவினுக்கு ஒரு விசித்திர ஆற்றல் உள்ளது. காதலர்களோ கனவன் மனைவியோ முத்தம் கொடுப்பதை பார்த்துவிட்டால், அவர்களுக்கு எதிர்காலத்தில் என்ன நடக்கப் போகிறது என்பதை அறிந்து கொள்வதே அந்த ஆற்றல். ஒரு கட்டத்தில் கவினுக்கும் நாயகி ப்ரீத்திக்கும் காதல் மலர, இருவரும் காதலை சொல்லிக் கொள்ளாத நிலையில், ப்ரீத்தி திடீரென்று கவினுக்கு முத்தக் கொடுத்து விடுகிறார். இதனால் எதிர்காலத்தில் என்ன நடக்கப் போகிறது என்பதை அறிந்துக் கொள்ளும் கவின் அடுத்து என்ன செய்யப் போகிறார் என்பதை சொல்லும் படமே கிஸ். கவின் தனது நடிப்பில் நல்ல முன்னேற்றம் அடைந்துள்ளார் என்பதை இப்படத்தின் மூலம் அறியலாம். நாயகி ப்ரீத்தி அஸ்ரானி, அழகாகவும் சிறப்பாகவும் நடித்து பார்வையாளர்களின் கவனத்தை ஈர்க்கிறார். ஆர்.ஜே விஜய், விடிவி கணேஷ், ராவ் ரமேஷ், தேவயானி, பிரபு, கெளசல்யா ஆகியோரது நடிப்பு திரைக்கதைக்கு பலம் சேர்த்திருக்கிறது. ஜென் மார்டின் இசை மற்றும் பாடல்கள் ஓகே ரகம். நடன இயக்குநர் சதீஷ் கிருஷ்ணன் இயக்குநராக அறிமுகமாகியிருக்கும் இப்படத்தில் முதல் பாதியைவிட இரண்டாம் பாதியில் நிகழும் சம்பவங்கள் காமெடியில் களை கட்டுகிறது. மொத்தத்தில் படத்தை ஒரு முறை பார்க்கலாம்.