தெலுங்கானாவில் கோர சம்பவம்: பேருந்து மீது லாரி மோதி 24 பேர் பலி

ஐதராபாத்: தெலுங்கானாவில் அரசு பேருந்து மீது லாரி மோதிய விபத்தில் 24 பேர் பலியான சம்பவம் அங்கு சோகத்தை ஏற்படுத்தியுள்ளது. 

தெலுங்கானாவின் ரங்காரெட்டி மாவட்டத்தில் செவல்லா காவல் நிலையத்திற்கு உட்பட்ட கானாப்பூர் கேட் பகுதியில் நேற்று காலை அரசு பேருந்து ஒன்று சென்று கொண்டிருந்தது. இந்நிலையில், பேருந்து மீது டிப்பர் லாரி ஒன்று மோதி விபத்து ஏற்பட்டது. இந்த சம்பவத்தில், பேருந்துசில் இருந்த 17 பேர் சம்பவ இடத்திலேயே பலியானார்கள். பலர் காயமடைந்தனர். 

பாரதீய ராஷ்டீரிய சமிதியின் தலைவரான தெலுங்கானா முன்னாள் முதல்வர் சந்திரசேகர ராவ் இந்த விபத்துக்கு இரங்கல் தெரிவித்து உள்ளார். உரிய இழப்பீடு வழங்கவும் வலியுறுத்தி உள்ளார். இதேபோன்று, முதல்வர் ரேவந்த் ரெட்டியும் சம்பவத்திற்கு இரங்கல் தெரிவித்து உள்ளதுடன், சம்பவ பகுதிக்கு உடனடியாக செல்லும்படி அதிகாரிகளுக்கு உத்தரவிட்டு உள்ளார். தேவையான நிவாரண நடவடிக்கைகளை மேற்கொள்ளும்படியும் அறிவுறுத்தி உள்ளார். இந்நிலையில், மருத்துவமனைகளில் தீவிர சிகிச்சை பலனின்றி பலர் உயிரிழந்தனர். இதனால், பலி எண்ணிக்கை 24 ஆக உயர்ந்துள்ளது.