செய்முறை ;--  

1. அடுப்பில் கடாயை  வைத்து சிறிதளவு தண்ணீர்  ஊற்றி பொடியாக நறுக்கிய 1/4 கிலோ உருளைக்கிழங்கு மற்றும் சிறிதளவு உப்பை  போட்டு கலந்து விட்டு மூடி போட்டு மூடி 5 நிமிடங்கள் நன்றாக வேக வைத்துக்கொள்ளவும்.
2. 5 நிமிடங்கள் கழித்து வேக வைத்த உருளைக்கிழங்கை வடி கட்டி ஒரு பாத்திரத்தில் எடுத்து நன்றாக மசித்து வைத்துக்கொள்ளவும்.
3. ஒரு தட்டில் 200 கிராம் சீஸை எடுத்து அதை பொடியாக நறுக்கி வைத்துக்கொள்ளவும். 
4. ஒரு பாத்திரத்தில் 5 முட்டையை உடைத்து ஊற்றி அதை நன்றாக கலந்து எடுத்து வைத்துக்கொள்ளவும்.
5. ஒரு தட்டில்  ஒரு கப் பிரட் கிரம்ஸ் எடுத்து கொள்ளவும்.
6. இதனுடன் மிளகாய் தூள் ஒரு ஸ்பூன்,மிளகு தூள் 1/2 ஸ்பூன் மற்றும் தேவையான அளவு உப்பு போட்டு நன்றாக கலந்து வைத்துக்கொள்ளவும்.
7. ஒரு பாத்திரத்தில் 100 கிராம் கான் பிளவர் மாவை எடுத்து கொள்ளவும். மசித்து வைத்துள்ள உருளைக்கிழங்கை சிறிதளவு எடுத்து பிளவர் மாவில் பிரட்டி எடுத்து பின்னர் மாவின் நடுவில் ஒரு சீஸ் துண்டை வைத்து லட்டு உருட்டுவது போல் உருட்டி வைத்துக்கொள்ளவும்.
8. இதே போல் மீதம் உள்ள உருளைக்கிழங்கையும் உருட்டி தயார் செய்து வைத்துக்கொள்ளவும்.
9. உருட்டி வைத்த உருண்டைகளை கலந்து வைத்துள்ள முட்டை கலவையில் முக்கி எடுத்து பின்னர் பிரட் கிரம்ஸில் போட்டு உருண்டையின் எல்லா பக்கங்களிலும் பிரட் தூள்கள் ஒட்டும்படி உருட்டி தயார் செய்து எடுத்து வைத்துக்கொள்ளவும்.
10. இதே போல் மீதம் உள்ள உருண்டைகளையும் உருட்டி வைத்துக்கொள்ளவும்.
11. அடுப்பில் கடாய் வைத்து 1/2 லிட்டர்  எண்ணெய்யை ஊற்றவும்.
12. எண்ணெய்  சூடானவுடன் தயார் செய்து வைத்துள்ள உருண்டைகளை ஓவ்வொன்றாக போட்டு பொரிக்கவும்.
13. திருப்பி திருப்பி போட்டு நன்றாக பொறித்து எடுக்கவும்.
14. சுவையான உருளைக்கிழங்கு சீஸ் பால் ரெடி.