வாடிக்கையாளர்களின் குறைகள் மூன்று மாதங்களுக்கு ஒரு முறை நேரடியாகக் கேட்கப்பட்டு தேவையான நடவடிக்கைகள் உடனுக்குடன் எடுத்து வரப்படுகின்றன. 31.12.2016 அன்று முடிவடையும் காலாண்டிற்கான வாடிக்கையாளர்களின் குறை தீர்க்கும் நாள் கூட்டம் கோவை மேற்கு மண்டல போஸ்ட் மாஸ்டர் ஜெனரல் அலுவலகத்தில் வரும் ஜனவரி 11_ந் தேதி காலை 11 மணிக்கு நடைபெறவுள்ளது.
அஞ்சலக சேவை சம்பந்தமாக புகார் மற்றும் குறைகள் ஏதேனும் இருப்பின் கடிதம் மூலமாக உதவி இயக்குநர், மேற்குமண்டலம், கோவை 641 002 என்ற முகவரிக்கு உறைமேல் வாடிக்கையாளர் குறைதீர்க்கும் கூட்டம் சம்பந்தமாக என்று குறிப்பிட்டு வரும் 6_ந் தேதிக்குள் வந்து சேரும்படி அனுப்பி வைக்க வேண்டும். இத்தகவலை கோவை மேற்குமண்டல போஸ்ட் மாஸ்டர் ஜெனரல் தெரிவித்துள்ளார்.
