கும்மிடிப்பூண்டி பேரூராட்சியில் வியாழக்கிழமை முதல்வரின் இலவச மருத்துவ முகாம் நடைபெற்றது. கும்மிடிப்பூண்டி பேரூராட்சி அலுவலக வளாகத்தில் நடைபெற்ற அம்மா சிறப்பு மருத்துவ முகாமில் சென்னை மெட்ராஸ் மெடிக்கல் மிஷன் மருத்துவமனையில் இருந்து 10பேர் அடங்கிய மருத்துவ குழுவினர் பங்கேற்று பொதுமக்களுக்கு சிகிச்சை அளித்தனர். முகாமில் பொது மருத்துவ சிகிச்சை மட்டுமல்லாது, ரத்த அழுத்தம், இ.சி.ஜி, ரத்த பரிசோதனை போன்ற பரிசோதனைகளும் செய்யப்பட்டது, தொடர் சிகிச்சை தேவைப்படுபவர்களுக்கு முதல்வரின் விரிவான மருத்துவ காப்பீட்டு திட்டத்தின் கீழ் அவர்களுக்கு சென்னையில் வைத்து சிறப்பு சிகிச்சை அளிக்க பரிந்துரைக்கப்பட்டது. இந்த இலவச மருத்துவ முகாமில் 100க்கும் மேற்பட்டோர் சிகிச்சை பெற்று பயனடைந்தனர். முகாமிற்கான ஏற்பாடுகளை கும்மிடிப்பூண்டி பேரூராட்சி நிர்வாகம் ஏற்பாடு செய்திருந்தது.
