கோத்தகிரியில் இலவச கம்ப்யூட்டரைஸ்டு அக்கவுண்டிங் பயிற்சி பங்கேற்று பயன்பெற அழைப்பு

கோத்தகிரியில் நடைபெறும் இலவச கம்ப்யூட்டைஸ்டு அக்கவுண்டிங் பயிற்சியில் பங்கேற்று பயன்பெற அழைப்பு விடுக்கப்பட்டுள்ளது. இது தொடர்பாக மாவட்ட கலெக்டர் முனைவர் பொ.சங்கரின் அறிக்கை-

8 முதல் பட்டப்படிப்பு வரை

கோத்தகிரி இந்தியன் ஓவர்சீஸ் வங்கி சார்பில் இலவச கம்ப்யூட்டரைஸ்டு அக்கவுண்டிங் பயிற்சி வரும் 8_ந் தேதி முதல் தொடர்ந்து 30 நாட்கள் நடைபெற உள்ளது. இப்பயிற்சிக்கு குறைந்த பட்ச கல்வித்தகுதியாக 8ம் வகுப்பு முதல் பட்டப்படிப்பு முடித்தவர்கள் வரை பங்கேற்கலாம். பயிற்சியின் போது பயிற்சிக்கான உபகரணங்கள், தேனீர், காலை மற்றும் மதியம் உணவு ஆகியவை இலவசமாக வழங்கப்படும். மேலும் பயிற்சி முடிந்தவுடன் சான்றிதழ் வழங்கப்படும்.

அரிய வாய்ப்பு

இந்த பயிற்சியில் சேர விரும்பும் நபர்கள் தங்களது பெயர், முகவரி, கைபேசி எண் ஆகியவற்றை குறிப்பிட்டு இந்தியன் ஓவர்சீஸ் வங்கி, கோத்தகிரி, ஊரக சுய வேலை வாய்ப்பு பயிற்சி மையத்தில் நேரில் விண்ணப்பம் பெற்று சமர்பிக்குமாறு கேட்டுக்கொள்ளப்படுகிறது. இது தொடர்பாக மேலும் விபரங்களுக்கு இப்பயிற்சி மையத்தின் இயக்குநர் வசந்தகுமாரை 9629663764, 04266_273051 ஆகிய எண்களில் தொடர்பு கொண்டு தெரிந்து கொள்ளலாம். எனவே இந்த அரிய வாய்ப்பினை நீலகிரி மாவட்டத்தைச் சேர்ந்தவர்கள் பயன்படுத்திக்கொள்ளுமாறு கேட்டுக்கொள்ளப்படுகிறது. இவ்வாறு அவர் தெரிவித்துள்ளார்.