திருச்செங்கோடு வட்டம் செங்குந்தர் திருமண மண்டபத்தில் கைத்தறி மற்றும் துணி நூல் துறை சார்பில் அமைக்கப்பட்ட சிறப்பு கைத்தறி கண்காட்சி: கலெக்டர் மு.ஆசியா மரியம், துவக்கி வைத்தார்

செவ்வாய்க்கிழமை, 8 ஆகஸ்ட் 2017      நாமக்கல்
3 a

 

நாமக்கல் மாவட்டம் திருச்செங்கோடு வட்டம் செங்குந்தர் திருமண மண்டபத்தில் கைத்தறி மற்றும் துணி நூல் துறை சார்பில் அமைக்கப்பட்ட சிறப்பு கைத்தறி கண்காட்சி மற்றும் விற்பனை துவக்கவிழா நேற்று (08.08.2017) நடைபெற்றது இவ்விழாவிற்கு கலெக்டர் மு.ஆசியா மரியம், தலைமையேற்று சிறப்பு கைத்தறி கண்காட்சியினை குத்து விளக்கேற்றி துவக்கி வைத்து கண்காட்சி அரங்குகளை பார்வையிட்டு, முதல் விற்பனையை தொடங்கி வைத்தார்.

கைத்தறி கண்காட்சி


 

பின்னர் இது குறித்து செய்தியாளர்களிடம் பேசும் போது தெரிவித்ததாவது,

கைத்தறி தொழிலை பாதுகாக்கவும், கைத்தறி நெசவாளர்களின் வாழ்க்கை தரத்தினை உயர்த்திடவும் 2015 ஆண்டு முதல் ஒவ்வொரு வருடமும் ஆகஸ்ட் 7-ம் தேதி கைத்தறி தினமாக கொண்டாடப்பட்டு வருகிறது. இதனை முன்னிட்டு நாமக்கல் மாவட்டத்தில் திருச்செங்கோடு வடக்கு ரதவீதியில் உள்ள செங்குந்தர் திருமண மண்டபத்தில் சிறப்பு கைத்தறி கண்காட்சி அமைக்கப்பட்டுள்ளது. இக்கண்காட்சியானது இன்று 08.08.2017 தொடங்கி 10.08.2017 வரை நடைபெற உள்ளது. இக்கண்காட்சியில் கைத்தறி ரக ஜவுளிகளின் விற்பனை அரங்குகள் அமைக்கப்பட்டு 30க்கும் மேற்ப்பட்ட கைத்தறி நெசவாளர் கூட்டுறவு சங்கங்களின் கைத்தறியில் உற்பத்தி செய்யப்பட்ட இரகங்களான கைத்தறி துண்டு ரகங்கள், வேட்டிகள், லுங்கிகள், காட்டன் சேலைகள், காட்டன் கோர்வை சேலைகள், ஜமுக்காளம், பெட்ஷிட்கள,; அகர்லிக் சால்வைகள், பட்டுசேலைகள் ஆகியவை விற்பனைக்கு வைக்கப்பட்டுள்ளது.

இக்கண்காட்சியில் விற்பனை செய்யப்படுகின்ற அனைத்து வகை கைத்தறி துணிகளுக்கும் 20சதவீத தள்ளுபடி வழங்கப்படுகின்றது. இக்கண்காட்சியில் ரூ.7.00 இலட்சம் மதிப்புள்ள கைத்தறி ஜவுளிகள் விற்பனையாகும் என எதிர்பாக்கப்படுகிறது. கைத்தறி துணிகளை விற்பனை செய்வதன் மூலம் நாட்டின் பொருளதார மேம்பாட்டிற்கு உறுதுணையாக உள்ள கைத்தறி தொழிலையும், அதனை சார்ந்த பராம்பரிய கலையின் பாதுகாவலர்களாக உள்ள நெசவாளர்களையும் பாதுகாத்திடும் வகையில் கைத்தறி துணிகளை பொதுமக்கள் வாங்கி பயன்படுத்துமாறு கேட்டுக்கொள்ளப்படுகிறது. இவ்வாறு கலெக்டர் மு.ஆசியா மரியம் தெரிவித்தார்.

சிறப்பு கைத்தறி கண்காட்சியில் கலெக்டர் மு.ஆசியா மரியம் திருச்செங்கோட்டைச் சேர்ந்த பி.சம்பூர்ணம் அவர்களுக்கு கைத்தறி ஆடைகளை வழங்கி முதல் விற்பனையை தொடங்கி வைத்தார்.

இந்நிகழ்ச்சியில் திருச்செங்கோடு வருவாய்க்கோட்டாட்சியர் வெ.பாஸ்கரன், திருச்செங்கோடு வருவாய் வட்டாட்சியர் பூவராகவன், கைத்தறி மற்றும் துணி நூல் துறை உதவி இயக்குனர் எஸ்.விஸ்வநாதன், துணி நூல் கட்டுபாட்டு அலுவலர்கள் பி.சுந்தர சிவாஜி, எஸ்.சின்னசாமி மற்றும் கைத்தறி துறை அலுவலர்கள் உட்பட அரசுத்துறை அலுவலர்கள் விற்பனையாளர்கள் பொதுமக்கள் உட்பட பலர் கலந்து கொண்டனர்.

 

இதை ஷேர் செய்திடுங்கள்:

View all comments

வாசகர் கருத்து

சில சுவாரிஸ்யமான தகவல்கள்

புதிய காகிதம்

அச்சிட்டதை அழித்து மீண்டும் மீண்டும் 80 முறை வரை அச்சிடத் தகுந்த புதிய காகிதத்தை விஞ்ஞானிகள் உருவாக்கியுள்ளனர். நானோ பார்டிகல்ஸ் என்று அழைக்கப்படும் மிகச் சிறிய துகள்கள் மூலம் இந்தக் காகிதம் உருவாக்க‌ப்பட்டிருக்கிறது. அந்த துகள்களை அச்சிடும் மையில் கலந்து அச்சிட வேண்டும். அச்சிடப்பட்டு 5 நாட்களில் எழுத்துக்கள் கொஞ்சம் கொஞ்சமாக காகிதத்திலிருந்து மறையத் துவங்கும். காற்றிலுள்ள ஆக்ஸிஜன் துகள்கள் மையிலுள்ள எலக்ட்ரான்களை எடுத்துக்கொள்ளும், இதனால் எழுத்துக்கள் காகிதத்திலிருந்து மறையும். மேலும் காகிதத்தை சூடாக்கும் போது, இந்த செயல்முறையை சில நிமிடங்களில் வேகப்படுத்துவதன் மூலம் காகிதத்தை மீண்டும் மீண்டும் பயன்படுத்தலாம்.

காற்றில் இருந்து

சிலியில் இயங்கும் ஒரு நிறுவனம், காற்றில் இருந்து குடிநீரை உருவாக்கும் இயந்திரத்தைத் தயாரித்துள்ளது. பிரஷ் வாட்டர் எனப் பெயிடப்பட்டிருக்கும் இந்த இயந்திரம், ஈரப்பதமான காற்றை குளிர்வித்து வடிகட்டி குடிநீராக மாற்றுகிறது. இந்த கருவி பாலைவனங்களில், மலைப் பகுதிகளில் பேருதவியாக இருக்குமாம்.

அழியும் ஆபத்தில்...

இந்தியாவில் தற்போது 780 மொழிகளில், 400 மொழிகள் அடுத்த 50 ஆண்டுகளில் அழிந்துவிடும் அபாயம் உருவாகியுள்ளது என தி பீப்பில்ஸ் லிங்குஸ்டிக் சர்வே ஆப் இந்தியா மேற்கொண்ட ஆய்வில் தெரியவந்துள்ளது. மேலும், ஒவ்வொரு மொழி அழியும்போதும், அந்த கலாச்சாரமும் அழியும் ஆபத்துள்ளதாக அது தெரிவிக்கிறது.

புதுமையான வழியில்...

மிச்சிகன் மாநில ஆய்வாளர்கள் கோப்பிரவைடு மெட்டலிடிரன்ஸ் என்றழைக்கப்படும் பாக்டீரியாவில் இருந்து தங்கம் வெளிவருவதை  கண்டுபிடித்துள்ளனர். இந்தப் பாக்டீரியா தங்கம் உருவாகத் தேவைப்படும். கோல்டு குளோரைடு எனும் ரசாயன பொருட்களை விழுங்கி தங்கத்தை உமிழ்வதாக கண்டறிந்துள்ளனர்.

இப்படியும் ஒரு பெண்

சுமாரம் ரூ.2000 கோடி மதிப்புள்ள சொத்துகள் உள்ள மலேசிய கோடீசுவரர்  கோ கே பெங்கின் ஒரே மகளான ஏஞ்சலின் பிரான்சிஸ் கோ, தனது காதலுக்காக கோடிக்கணக்கான சொத்தை தியாகம் செய்து தனது காதலரை கைபிடித்து உள்ளார். இவரது காதலர் ஜடிடிஹா சாதரண தரவு விஞ்ஞானி (டேட்டா சைன்டிஸ்ட்) என்பதால் அவரது தந்தை ஏற்கவில்லை.

உடனடி தேடல்

கூகுள் நிறுவனம் இன்ஸ்டண்ட் சர்ச் வசதியை கடந்த 2010 ஆம் ஆண்டு அறிமுகப்படுத்தியது. குறிப்பாக மொபைல்களில் தேடலை விரைவாக வழங்குவதற்காகவே இன்ஸ்டண்ட் சர்ச் அறிமுகம் செய்யப்பட்டது. பயனாளர்கள் மத்தியில் நல்ல வரவேற்பை பெற்றிருந்த இன்ஸ்டண்ட் சர்ச்-ஐ கூகுள் தற்போது நீக்கியுள்ளது.

மைக்ரோசிப்

அமெரிக்காவில் ஒரு நிறுவனம் அங்கு பணிபுரியும் ஊழியர்களின் உடலில் ஒரு ஊழியருக்கு 300 டாலர் செலவு செய்து மைக்ரோ சிப்களை பொருத்தியுள்ளது. இந்த சிப் அக்சஸ் கார்டு போன்று செயல்படுகிறது. அதாவது அலுவலகம் வரும்போது கதவுகளை திறப்பது, பன்ச் செய்வது, அவர்களுக்கான கணினியை பயன்படுத்துவது ஆகியவற்றுக்கு பயன்படுகிறது.

குழந்தை கல்லீரல்

பெரும்பாலும், மது அருந்துபவர்கள் கல்லீரல் பாதிப்புக்கு அதிகம் ஆளாகிறார்கள். உடலிலுள்ள மிகப் பெரிய உறுப்பான கல்லீரல் பல காரணங்களால் ஏற்படக்கூடிய தொற்றால் பாதிக்கப்படுகிறது. அமெரிக்காவில் மட்டும் 17,000 பேர் கல்லீரல் பாதிப்பால் அவதி படகின்றனர். இந்நிலையில், தற்போது கல்லீரலினை செயற்கையாக உருவாக்கும் முயற்சியில் விஞ்ஞானிகள் ஈடுபட்டுள்ளனர். இந்த கண்டுபிடிப்புக்கு குழந்தை கல்லீரல் என பெயரிட்டுள்ளனர். கல்லீரலை செயற்கையாக உருவாக்க ஆய்வின்போது,  மனித உயிரணுக்களில் இருந்து உயிரணுக்களை எடுத்து பயன்படுத்துகின்றனர். இந்த சோதனை வெற்றி பெற்றால் கல்லீரல் பிரச்சினைகளுக்கு தீர்வு கிடைக்கும்.

’ப்ளூ வேல்’ கேம்

உலக அளவில் பிரபலமாக வரும் ஆன்லைன் விளையாட்டான ப்ளூவேல், பங்கேற்பாளருக்கு பல்வேறு சவால்களை அளிக்கும். நாளொரு சவால் வீதம் 50 நாட்களுக்கு கொடுக்கப்படும். ஆரம்பத்தில் சவால்கள் எளிதாகவே இருக்கும். ஆனால், போகப்போக சவால்கள் கடினமாக்கப்படும். இறுதியில் தற்கொலை செய்து கொள்ள வேண்டும் என்ற சவால் விடுக்கப்படும். இந்த விளையாட்டுக்கு அடிமையாகும் இளைஞர்களை நிஜ உலகத்துடனான தொடர்பை இழக்க செய்து, விர்ச்சுவல் எனப்படும் மாய உலகத்துக்குள் அழைத்துச் சென்று தற்கொலை செய்யத் தூண்டுவதுதான் இதன்  நோக்கம். இந்த விளையாட்டை வடிவமைத்த ரஷ்யாவின் பிலிப் புடேய்கின் மீது கொலைக்குற்றம் சாட்டப்பட்டுள்ளது.

மஞ்சளின் மகிமை

நரம்பு கட்டி புற்று நோயை குணப்படுத்தும் தன்மை மஞ்சளுக்கு உள்ளது என அமெரிக்க வாழ் இந்திய நிபுணர் தம்மாரா கண்டுபிடித்துள்ளார். இவரது ஆய்வில், மஞ்சளில் உள்ள மிக சிறிய ரசாயன பொருட்கள் மருந்தாகி நரம்பு கட்டி புற்று நோயை குணப்படுத்துவதாக தெரிய வந்துள்ளதையடுத்து, புற்று நோய் மருந்துகளில் மஞ்சளை சேர்க்க பரிந்துரைக்கப்பட்டுள்ளது.

விந்தணு குறைவு

1973 - 2011-ம் ஆண்டுவரை மேற்கொள்ளப்பட்ட 185 ஆய்வுகளின்படி, வட அமெரிக்கா, ஐரோப்பா, ஆஸ்திரேலியா, நியூசிலாந்து நாடுகளில் தொடர்ந்து ஆண்களின் விந்தணுக்கள் எண்ணிக்கை பாதிக்கு பாதி குறைந்துள்ளதாம். இது நீடித்தால் மனித இனத்தின் அடையாளமே அழிந்து போகுமாம். ஆனால், ஆசியா, ஆப்பிரிக்காவில் இந்த அளவு பாதிப்பு இல்லையாம்.

சிறிய சாதனம்

‘ராஸ்பெர்ரி பை’ என்பது மலிவு விலையில் கிடைக்கக்கூடிய மிகச்சிறிய கணினி ஆகும். இதை அடிப்படையாகக் கொண்டு, நிலநடுக்கத்தை முன்கூட்டியே அறியக்கூடிய ‘ராஸ்பெர்ரி ஷேக் 4டி’  என்ற சாதனத்தை உருவாக்கியுள்ளனர். நிலநடுக்கத்தின்போது உருவாகும் கண்ணுக்குத் தெரியாத அசைவுகளைப் பார்ப்பதற்கும் இது உதவுகிறது. இதனால் நிலநடுக்கம் ஏற்படுவதை முன்பே நாம் கணிக்க முடியுமாம்.