வாஷிங்டன் : உலக பணக்காரர்கள் பட்டியலில் 2-வது இடத்தில் இருந்த பில்கேட்ஸ், தனது இடத்தில் இருந்து இறங்கியுள்ளார்.
அமெரிக்காவைச் சேர்ந்த புளூம்பெர்க் எனும் நிறுவனம் உலக பணக்காரர்கள் பட்டியலை அவ்வபோது வெளியிட்டு வருகிறது. இந்த பட்டியலில் பல ஆண்டுகளாக தொடர்ந்து முதலிடத்தில் இருந்தவர் பில்கேட்ஸ். அப்படி முதலிடத்தை தக்க வைத்துக் கொண்ட பில்கேட்சை, அமேசான் நிறுவனர் ஜெப் பெசோஸ் இரண்டாம் இடத்திற்கு தள்ளினார். இப்போது பிரான்சைச் சேர்ந்த பெர்னார்ட் அர்னால்ட் என்பவர் இரண்டாம் இடத்தை பிடித்துள்ளார். இவர் எல்.வி.எச்.எம். எனும் நிறுவனத்தின் தலைமை செயல் அதிகாரி ஆவார். இந்த ஆண்டுதான் இவரது சொத்து மதிப்பு அதிகரித்துள்ளது. புளூபெர்க் நிறுவனத்தின் உலக பணக்காரர்கள் பட்டியலின்படி, முதலிடத்தை ஜெப் பெசோஸ் (125 பில்லியன் டாலர்), 2-வது இடத்தை பெர்னார்ட் அர்னால்ட்(108 பில்லியன் டாலர்), 3-வது இடத்தை பில்கேட்ஸ்(107 பில்லியன் டாலர்) ஆகியோர் பிடித்துள்ளனர்.
