இந்திய பங்கு சந்தை கடும் வீழ்ச்சி

தேசிய மற்­றும் மும்பை பங்­குச் சந்­தை­கள் நேற்று கடும் வீழ்ச்­சியை சந்­தித்­தன.

17 வரு­டங்­க­ளுக்கு பிறகு முதல் முறை­யாக ஜூலை மாத காலத்­தில் இப்­படி ஒரு பெரும் சரிவை பங்­குச் சந்­தை­கள்நேற்று சந்தித்துள்ளதால் முத­லீட்­டா­ளர்­கள் மத்­தி­யில் பீதி நில­வு­கி­றது.
மத்­திய பட்­ஜெட்­டில் முன்­மொ­ழி­யப்­பட்ட வெளி­நாட்டு போர்ட் போ­லியோ முத­லீட்­டா­ளர்­கள் மீதான வரி, மந்­த­மான பொருளாதாரம் மற்­றும் வீழ்ச்­சி­ய­டைந்­துள்ள நுகர்வு ஆகி­ய­வை­யும், இப்­படி பங்­குச் சந்தை வீழ்ச்­சி­ய­டைய கார­ணங்­க­ளாக சொல்லப்படுகிறது.

தேசிய பங்­குச் சந்­தை­யான நிப்டி 11,000 புள்­ளி­களை விடக் குறைந்தது அதிர்ச்­சியை ஏற்­ப­டுத்­தி­யது. ஜூன் 3-ம் தேதி 52 வாரத்தில் முதல் முறை­யாக 12,103.05 என்ற அள­வுக்கு நிப்டி புள்ளிகள் அதி­க­ரித்­தி­ருந்­தன. அதன்­பி­றகு இப்­படி ஒரு வீழ்ச்­சியை நிப்டி சந்­தித்­தது. இந்த ஆண்டு மார்ச் மாதத்­திற்­குப் பிறகு முதல் முறை­யாக 37,000 புள்­ளி­க­ளுக்­கும் குறை­வாக வீழ்ந்­தது மும்பை பங்­குச் சந்­தை­யான சென்­செக்ஸ். இன்று மட்­டும் சென்­செக்ஸ் 700 புள்­ளி­க­ளுக்கு மேல் சரிந்­தது. அமெ­ரிக்க டால­ருக்கு எதி­ராக 68.79 என்ற அள­வில் இருந்த இந்­திய ரூபா­யின் மதிப்பு, நேற்று 69.20 ஆக சரிந்­தது. இது மற்றொரு மோச­மான பொரு­ளா­தார அறி­கு­றி­யாக பார்க்கப்படுகிறது.

சென்­செக்ஸ் பங்­கு­க­ளில், வேதாந்தா மற்­றும் எஸ்.பி.ஐ. கிட்­டத்­தட்ட 6 சதவீத சரிவை சந்­தித்­தன. எச்.டி.எப்.சி வங்கி, இன்­போ­சிஸ், டெக் மஹிந்­திரா, எல் அண்ட் டி, ஐ.சி.ஐ.சி.ஐ வங்கி, டாடா ஸ்டீல் மற்­றும் எஸ் வங்கி ஆகி­ய­வை­யும் நேற்று அதி­கப்­ப­டி­யான சரிவை சந்­தித்த நிறு­வ­னங்­கள் ஆகும். இருப்­பி­னும் பின்­னர் ஓர­ள­வுக்கு பங்கு விலையில் முன்­னேற்­றம் ஏற்­பட்­டது. இன்­றைய வர்த்­தக நேர முடிவில், சென்­செக்ஸ் 37,018.32 புள்­ளி­க­ளு­டன் இருந்­தது. 462.80 புள்­ளி­கள் சரி­வா­கும்.