மகாராஷ்டிரா தலைமை தேர்தல் பெண் ஆணையர் கொரோனாவுக்கு நேற்று பலியானார்.
கொரோனா பாதிப்பு இந்தியாவில் தினமும் அதிகரித்து வருகிறது. இதில் டெல்லி, தமிழ்நாடு, மகாராஷ்டிரா மாநிலங்கள் கடுமையாக பாதிக்கப்பட்டுள்ளது. இந்நிலையில் மகாராஷ்டிரத்தின் முதல் பெண் தலைமைத் தேர்தல் ஆணைரான நீலா சத்யநாராயண் கொரோனா தொற்றுக்கு சிகிச்சை பலனின்றி நேற்று உயிரிழந்தார். நீலா சத்யநாராயண்னுக்கு வயது 72. கடந்த 1972-–ல் ஐ.ஏ.எஸ் அதிகாரியாக இருந்தவர். பின்னர், பணி ஓய்வுக்குப் பிறகு மாநிலத்தின் கூடுதல் தலைமைத் தேர்தல் செயலாளராக நியமிக்கப்பட்டவர். இந்நிலையில், கடந்த சில நாட்களுக்கு முன்பு கொரோனா தொற்று பாதிக்கப்பட்டுள்ள நிலையில், நீலா சத்யநாராயண் மும்பையில் உள்ள செவன் ஹில்ஸ் மருத்துவமனையில் அனுமதிக்கப்பட்டார். ஆனால், சிகிச்சை பலனின்றி நேற்று அவர் உயிரிழந்தார். ஓய்வுபெற்ற மூத்த அதிகாரியான நீலா சத்யநாராயன் மராத்தியில் பல புத்தகங்களை எழுதியுள்ளார் என்பது குறிப்பிடத்தக்கது.
