திருப்பதி கோவிலில் இலவச தரிசன டிக்கெட் விநியோகம் தொடங்கியது

திங்கட்கிழமை, 26 அக்டோபர் 2020      இந்தியா
Tirupati 2020 10 26

Source: provided

திருப்பதி : திருப்பதி ஏழுமலையான் கோயிலில் இலவச தரிசனம் செய்வதற்கான டிக்கெட் விநியோகம் நேற்று தொடங்கியது. 

கடந்த மார்ச் மாதம் நாடு முழுவதும் ஊரடங்கு அறிவிக்கப்பட்ட போது, திருமலை திருப்பதி கோயிலிலும் பக்தர்கள் தரிசனத்துக்கு தடை விதிக்கப்பட்டது. ஆனால் வழக்கமான அனைத்து பூஜைகளும் நடைபெற்று வந்தன.  கடந்த ஜூன் மாதம் 11-ம் தேதி கட்டுப்பாடுகளுடன் பக்தர்களுக்கு அனுமதி அளிக்கப்பட்டது.

ஆனால் கொரோனா பாதிப்பு அதிகரிக்க தொடங்கியதால் அங்கு பக்தர்களுக்கு தரிசனம் செய்ய தடை செய்யப்பட்டது. இதனிடையே திருப்பதி ஏழுமலையான் கோயிலில் வழக்கமாக நடைபெறும் பிரம்மோற்சவ விழாக்கள் பக்தர்கள் இன்றி நடைபெற்றது.

இந்நிலையில் பக்தர்களின் கோரிக்கையை ஏற்று நாள்தோறும் 3 ஆயிரம் பக்தர்களுக்கு இலவச தரிசன டோக்கன் வழங்க தேவஸ்தான நிர்வாகம் முன் வந்துள்ளது.

அதன்படி திருப்பதி ஏழுமலையான் கோயிலில் இலவச தரிசனம் செய்வதற்கான டிக்கெட் விநியோகம் நேற்று தொடங்கியது.  திருப்பதி அலிபிரியில் உள்ள பூதேவி காம்ப்ளக்சில் நேற்று காலை 5 மணி முதல் இலவச தரிசன டோக்கன் விநியோகிக்கப்பட்டது.  அலிபெரியில் டிக்கெட் பெற்ற பக்தர்கள் இன்று ஏழுமலையானை இலவசமாக தரிசனம் செய்யலாம்.

இதை ஷேர் செய்திடுங்கள்:

View all comments

வாசகர் கருத்து