இந்தியாவில் உருமாறிய கொரோனா: பாதிப்படைந்தோர் 102 ஆக அதிகரிப்பு

புதன்கிழமை, 13 ஜனவரி 2021      இந்தியா
corona 2021 01 04

Source: provided

புதுடெல்லி : இந்தியாவில் உருமாறிய கொரோனாவால் பாதிக்கப்பட்டவர்களின் எண்ணிக்கை 102 ஆக அதிகரித்துள்ளது.

பிரிட்டனை அச்சுறுத்தி வரும் உருமாறிய கொரோனா வைரஸ், நெதர்லாந்து, டென்மார்க், ஆஸ்திரேலியா, இத்தாலி, சுவீடன், பிரான்ஸ், ஸ்பெயின், சுவிட்சர்லாந்து, ஜெர்மனி, கனடா, ஜப்பான், லெபனான் மற்றும் சிங்கப்பூர் நாடுகளுக்கும் பரவியுள்ளது. இந்தியாவிலும் கடந்த 11-ம் தேதி வரை 96 பேர் பாதிக்கப்பட்டிருந்தனர்.

இந்நிலையில், சுகாதார அமைச்சகம் வெளியிட்ட அறிக்கையில், உருமாறிய கொரோனா வைரசால் பாதிக்கப்பட்டவர்களின் எண்ணிக்கை 102 ஆக அதிகரித்துள்ளது. அவர்களுக்கு, சம்பந்தப்பட்ட மாநிலங்களில், மருத்துவமனைகளில் தனி அறையில் வைத்து சிகிச்சை அளிக்கப்படுகிறது. அவர்களுடன் நெருங்கிய தொடர்பில் இருந்தவர்களும் அடையாளம் காணப்பட்டுள்ளனர்.

அவருடன் வந்தவர்கள், தொடர்பில் இருந்த மற்றவர்களை தேடும் பணி நடந்து வருகிறது. சூழ்நிலை குறித்து உன்னிப்பாக கவனிக்கப்படுவதுடன், மாநிலங்களுக்கு தேவையான அறிவுரை வழங்கப்படுகிறது. இவ்வாறு அந்த அறிக்கையில் கூறப்பட்டுள்ளது.

இதை ஷேர் செய்திடுங்கள்:

View all comments

வாசகர் கருத்து