நிக்கி ஒரு சீரியஸான நடிகை – கலாய்த்த சிவா

மிர்ச்சி சிவா, நிக்கி கல்ராணி முதன்மை கதாப்பாத்திரங்களில் நடித்துள்ள, ஹாரர் காமெடி திரைப்படம் “இடியட்”. ஸ்கிரீன் சீன் மீடியா என்டெர்டைமென்ட் தயாரிப்பில், ‘தில்லுக்கு துட்டு’ இரண்டு பாகங்களைத் தொடர்ந்து, மீண்டும் கமர்ஷியல் மசாலா திரைப்படமாக இயக்கியுள்ளார் இயக்குநர் ராம்பாலா.

விரைவில் படம் திரையரங்குகளில் வெளியாகவுள்ள நிலையில், இப்படத்தின் பத்திரிக்கையாளர் சந்திப்பு சமீபத்தில் நடைபெற்றது. படக்குழுவினர் அனைவரும் கலந்து கொண்டு, படம் குறித்தான அனுபவங்களை பகிர்ந்துகொண்டனர்.

அப்போது பேசிய நாயகன் சிவா,  நிக்கி கல்ராணி போல அர்ப்பணிப்பு கொண்ட நடிகையை, பார்க்க முடியாது ஒரு காட்சியில் அவர் டெட்பாடியாக இருக்க வேண்டும் ஆனால் அதற்கே நிறைய டவுட் கேட்டார். அந்தளவு சீரியஸான நடிகை என்றார்.

இயக்குனர் ராம்பாலா பேசுகையில், படத்தில் யார் யாரை இடியட் ஆக்கியுள்ளார்கள் என்பதை படத்தை பார்த்து தெரிந்துகொள்ளுங்கள். சிவா மிகச்சிறப்பாக நடித்திருக்கிறார். நிக்கி கல்ராணி நிறைய கேள்வி கேட்பார், எல்லா லாஜிக்கும் அவருக்கு சொல்ல வேண்டும் மிகச்சிறப்பான நடிகை என்று கூறினார்.