நடிகர் ஆரி அர்ஜுனன் முதன்மை பாத்திரத்தில் நடிக்கும் படம் பகவான். அம்மனயா மூவீஸ் சி.வி மஞ்சுநாதா தயாரிக்கும் படத்தை காளிங்கன் இயக்குகிறார்.
இப்படத்தின் ஃபர்ஸ்ட் லுக் பிக்பாஸ் நிகழ்ச்சியில் வெளியானபோதே பெரும் வரவேற்பை பெற்றது. இப்படத்தில் வித்தியாசமான தோற்றத்தில் ஆரி அர்ஜுனன் நடித்திருக்கிறார்.
சமீபத்தில் இப்படத்திற்காக கலா மாஸ்டர் நடன இயக்கத்தில், மிகப்பிரமாண்ட பாடல் காட்சி படமாக்கப்பட்டது. ஹாலிவுட் நடிகர் ஜேம்ஸ் பாரட் வில்லனாக நடிக்க, படத்தின் சண்டை காட்சிகள் ரசிகர்களுக்கு பிரமிப்பை ஏற்படுத்தும் வகையில் படமாக்கப்பட்டுள்ளது. இப்படத்தின் இறுதி கட்ட பணிகள் தீவிரமாக நடைபெற்று வருகிறது.
வரும் தீபாவளிக்கு படத்தை வெளியிட படக்குழு திட்டமிட்டுள்ளது. இப்படத்தில் ஆரிக்கு ஜோடியாக பூஜிதா பொன்னாடா நடிக்கிறார். மேலும் ஜெகன், முருகதாஸ், யோக் ஜேபி, சம்பத் ராம், லக்கி நாராயணன், அலெக்ஸ், அபிஷேக், சத்யா, “மாஸ்டர்” பாண்டி, அஜய் தத்தா ஆகியோர் முக்கியபாத்திரங்களில் நடிக்கிறார்கள்.
