முக்கிய செய்திகள்

புதிதாக 8,774 பேருக்கு கொரோனா: மத்திய சுகாதார அமைச்சகம் தகவல்

ஞாயிற்றுக்கிழமை, 28 நவம்பர் 2021      இந்தியா
Corona 2021 11 28

Source: provided

புதுடெல்லி : இந்தியாவில் கடந்த 24 மணி நேரத்தில் புதிதாக 8,774 பேருக்கு கொரோனா பாதிப்பு உறுதி செய்யப்பட்டுள்ளது.

இந்தியாவில் மீண்டும் கொரோனா தினசரி பாதிப்பு 9 ஆயிரத்துக்கு கீழே வந்துள்ளது. இந்தியாவில் கடந்த சில தினங்களாக கொரோனா பாதிப்பு ஏறுமுகம் கண்டு வந்தது. அந்த நிலை நேற்று முன்தினம் மாறியது. நேற்று முன்தினம் காலை 8 மணியுடன் முடிந்த ஒரு நாளில் தினசரி பாதிப்பு என்பது மீண்டும் 9 ஆயிரத்துக்கு கீழே வந்தது. 

இந்நிலையில் இந்தியாவில் நேற்று மேலும் 8,774 பேருக்கு கொரோனா தொற்று பாதிப்பு உறுதி செய்யப்பட்டுள்ளது. (கேரளாவில் மட்டுமே 4,741 பேருக்கு பாதிப்பு ஏற்பட்டுள்ளது). இதுதொடர்பாக மத்திய சுகாதார அமைச்சகம் வெளியிட்டுள்ள தகவலின் அடிப்படையில், 

இந்தியாவில் கடந்த 24 மணி நேரத்தில் புதிதாக 8 ஆயிரத்து 774 பேருக்கு தொற்று பாதிப்பு உறுதியாகி உள்ளது. அதே போல், தொற்று பாதிப்புகளுக்கு ஒரே நாளில் 621 பேர் உயிரிழந்துள்ளனர். இதன் மூலம் உயிரிழந்தோர் மொத்த எண்ணிக்கை 4,68,554 ஆக உயர்ந்துள்ளது. கடந்த 24 மணி நேரத்தில் கொரோனா பாதிப்பில் இருந்து 9,481 பேர் டிஸ்சார்ஜ் செய்யப்பட்டனர். இதன்மூலம் குணமடைவோர் விகிதம் 98.34 சதவீதமாக உள்ளது.  மேலும் கடந்த 543 நாட்களில் குறைந்த அளவாக கொரோனா தொற்றுக்கு தற்போது 1,05,691 பேர் சிகிச்சை பெற்று வருகின்றனர். 

இதனிடையே இந்தியாவில் கொரோனா பாதிப்பை கண்டறிய நேற்று முன்தினம் ஒரே நாளில் 10,91,236 மாதிரிகள் பரிசோதனை செய்யப்பட்டுள்ளதாகவும், இதுவரை மொத்தம் 63,93,39,125 மாதிரிகள் பரிசோதனை செய்யப்பட்டுள்ளதாகவும் இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) தெரிவித்துள்ளது.

இதை ஷேர் செய்திடுங்கள்:

View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2021 Copyright Thinaboomi. All Rights reserved. No reproduction of any sort is permitted.