Idhayam Matrimony

ஒரு லட்சம் பேருக்கு அரசு வேலை: பஞ்சாப் சட்டசபை தேர்தலில் காங்கிரஸ் கட்சி வாக்குறுதி

சனிக்கிழமை, 19 பெப்ரவரி 2022      அரசியல்
Image Unavailable

குடும்ப தலைவிகளுக்கு மாதம் தோறும் ரூ.1,100 வழங்கப்படும். மேலும் அவர்களுக்கு ஆண்டுக்கு 8 சமையல் கியாஸ் சிலிண்டர்கள் இலவசமாக வழங்கப்படும் என தேர்தல் வாக்குறுதிகள் பற்றி மாநில காங்கிரஸ் தலைவர் நவ்ஜோத்சிங் சித்து கூறினார்.

பஞ்சாப்பில் இன்று (ஞாயிற்றுக்கிழமை) சட்டசபை தேர்தல் நடக்கிறது. அங்கு நேற்று முன்தினம் பிரசாரம் ஓய்ந்தது. இதையடுத்து அன்று காங்கிரஸ் கட்சி தேர்தல் வாக்குறுதிகளை வெளியிட்டது. தேர்தல் வாக்குறுதிகள் பற்றி மாநில காங்கிரஸ் தலைவர் நவ்ஜோத்சிங் சித்து சண்டிகரில் நிருபர்களிடம் கூறியதாவது:-

பஞ்சாப்பில் காங்கிரஸ் கட்சி மீண்டும் ஆட்சிக்கு வந்ததும் ஒரு லட்சம் பேருக்கு அரசு வேலை வழங்குவதற்கான கோப்பில் முதல்-மந்திரி, முதலாவதாக கையெழுத்திடுவார். குடும்ப தலைவிகளுக்கு மாதம் தோறும் ரூ.1,100 வழங்கப்படும். மேலும் அவர்களுக்கு ஆண்டுக்கு 8 சமையல் கியாஸ் சிலிண்டர்கள் இலவசமாக வழங்கப்படும். விவசாயிகளிடம் இருந்து பருப்பு வகைகள், எண்ணை வித்துக்கள், மக்காச்சோளம் ஆகிய விளைப்பொருட்கள் குறைந்த பட்ச ஆதரவு விலையில் கொள்முதல் செய்யப்படும்.

கேபிள் தொலைக்காட்சி சேவையில் தனிநபர் ஆதிக்கத்துக்கு முற்றுப்புள்ளி வைக்கப்படும். கேபிள் மாத கட்டணம் ரூ.200 ஆக குறைக்கப்படும். முதியோர் மாத ஓய்வூதியம் ரூ.1,500-ல் இருந்து ரூ.3,100 ஆக அதிகரிக்கப்படும். அரசு மருத்துவமனைகளில் அனைத்து மருத்துவ சேவைகளும் எல்லோருக்கும் இலவசமாக அளிக்கப்படும். மருத்துவத்துக்கு ஒதுக்கப்படும் நிதி அதிகரிக்கப்படும். தொழில்களை ஊக்குவிக்க ரூ.1000 கோடியில் நிதி உருவாக்கப்பட்டு புதிய தொழில் முனைவோருக்கு ரூ.2 லட்சம் கடன் உதவி வட்டி இல்லாமல் வழங்கப்படும்.

தேசிய ஊரக வேலை திட்டத்துக்கான தினசரி சம்பளம் ரூ.270 ஆக உயர்த்தப்படும். வேலை நாட்கள் 100-ல் இருந்து 150 ஆக உயர்த்தப்படும். மதுபானம், மணல் விற்பனைக்காக தனி நிறுவனங்கள் உருவாக்கப்பட்டு சமூக விரோத கும்பலின் அட்டூழியங்களுக்கு முடிவு கட்டப்படும். தேர்தல் அறிக்கையில் 13 முக்கிய திட்டங்கள் அறிவிக்கப்பட்டுள்ளன. இது ராகுல்காந்தியின் தொலைநோக்கு பார்வையை பிரதிபலிக்கிறது. இவ்வாறு அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 1 year 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 1 year 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 1 year 1 month ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 1 year 1 month ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 months ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 months ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.