ரேசன் கடைக்கு இன்று விடுமுறை அறிவிப்பு

சென்னை : ஊழியர்களுக்கு மாற்று விடுப்பு வழங்குவதற்காக, ரேசன் கடைகளுக்கு இன்று (மார்ச் 19) விடுமுறை அறிவிக்கப்பட்டுள்ளது.

தமிழகத்தில் ரேசன் கடைகளுக்கு, மாதத்தின் முதல் மற்றும் இரண்டாவது வெள்ளிக் கிழமை விடுமுறை. அதற்கு மாற்றாக, அந்த வாரங்களில் வரும் ஞாயிற்றுக் கிழமைகளில் வேலை நாள். ரேசன் கார்டுதாரர்களுக்கு, ஜனவரியில் பொங்கல் பரிசு தொகுப்பு வழங்கப்பட்டதால், ரேசன் பொருட்கள் வினியோகம் தாமதமாக துவங்கியது.

இதனால், விடுமுறை நாளான ஜனவரி 30-ல், ரேசன் கடைகள் செயல்பட்டன. அதற்கு மாற்றாக, இம்மாதம் 19-ம் தேதி விடுமுறை நாளாக அறிவிக்கப்பட்டுள்ளது. இதனால், ரேசன் கடைகள் இன்று செயல்படாது.