மகாத்மா காந்தியின் பிறந்த நாள்: ஐ.நா பொதுச்செயலாளர் வாழ்த்து

 நியூயார்க் ; சப்பிதா மகாத்மா காந்தியின் பிறந்த தினம், சர்வதேச அகிம்சை தினமாக நேற்று கொண்டாடப்பட்டது. இதையொட்டி ஐ.நா. பொதுச் செயலாளர் ஆண்டனியோ குட்டரெஸ் தனது டுவிட்டரில் வாழ்த்து தெரிவித்துள்ளார். 

அமெரிக்காவின் நியூயார்க் நகரத்தில் அமைந்துள்ள ஐ.நா. சபையின் தலைமையகத்தில் மகாத்மா காந்தியின் பிறந்த நாள் கொண்டாடப்பட்டது. இந்த நிலையில், ஐ.நா. பொதுச்செயலாளர் ஆண்டனியோ குட்டரெஸ் தனது டுவிட்டர் பக்கத்தில் பதிவிட்டுள்ளதாவது, 

சர்வதேச அகிம்சை தினத்தில், மகாத்மா காந்தியின் பிறந்த நாளை கொண்டாடுகிறோம். அத்துடன் அனைவராலும் பகிர்ந்து கொள்ளப்படும் மகாத்மா காந்தி காட்டிய அமைதி, மரியாதை மற்றும் அத்தியாவசிய கண்ணியத்தின் மதிப்புகளையும் கொண்டாடுகிறோம்.

இவற்றை உள்வாங்கி கலாசாரங்களைக் கடந்து செயல்படுவதன் மூலம் இன்றைய சவால்களை நாம் முறியடிக்க முடியும் என்று பதிவிட்டுள்ளார்.