கப்ஜா விமர்சனம்

விமானப்படை வீரரான உபேந்திரா சந்தர்ப்பவசத்தால் மிகப்பெரிய தாதாவாக உருவெடுக்கிறார். அவருக்கு ஒருபக்கம் மற்ற தாதாக்களின் தொல்லை இன்னொருபக்கம் காவல்துறை தொல்லை கொடுக்கிறது. உபேந்திரா ஏன் தாதா ஆனார்? இந்தச் சிக்கல்களை எப்படி எதிர்கொள்கிறார்? என்பதுதான் படம். கட்டுக்கோப்பான உடல் துடிப்பான நடிப்பு ஆகியனவற்றால் நல்ல வரவேற்பைப் பெறுகிறார் நாயகன் உபேந்திரா. நீண்ட இடைவெளிக்குப் பிறகு நாயகியாக நடித்திருக்கும் ஸ்ரேயா நடனம் நடிப்பு என எல்லாவற்றையும் சரியாகச் செய்திருக்கிறார். காவல்துறை அதிகாரியாக நடித்திருக்கும் கிச்சாசுதீப் அதற்கேற்ற கம்பீரமாக இருக்கிறார். சிறப்புத்தோற்றத்தில் வரும் சிவராஜ்குமார் வரும் காட்சிகளும் படத்துக்குப் பலம். ஏ.ஜெ.ஷெட்டியின் ஒளிப்பதிவும் ரவிபஸ்ரூரின் இசையும் கேட்கும் ரகம். மொத்தத்தில் கப்ஜா பழைய கதை என்றாலும் காட்சிகளில் இருக்கும் பிரமாண்டம் ரசிகர்களை வியக்க வைக்கிறது.