தமிழகத்தில் பூஜ்யம் நிலையில் இன்புளுயன்சா வைரஸ் காய்ச்சல் : அமைச்சர் மா.சுப்பிரமணியன் தகவல்

சென்னை :  தமிழ்நாட்டில் இன்புளுயன்சா வைரஸ் காய்ச்சல் பாதிப்புகள் முற்றிலும் இல்லாத நிலை நோக்கி அதாவது பூஜ்யம் என்கிற நிலை நோக்கிச் சென்றுகொண்டிருக்கிறது என்று அமைச்சர் மா.சுப்பிரமணியன் தெரிவித்தார். 

சென்னையில், தமிழ்நாடு மகளிர் நல மேம்பாட்டு நிறுவனம் மற்றும் தேசிய நகர்ப்புற வாழ்வாதார இயக்கம் சார்பில் நேற்று மகளிர் தினவிழா கொண்டாடப்பட்டது. இந்த நிகழ்வில்  அமைச்சர் மா.சுப்பிரமணியன் கலந்து கொண்டு, மகளிர் சுயஉதவிக் குழுவினருக்கு பரிசுகளை வழங்கினார்.

பின்னர் செய்தியாளர்களைச் சந்தித்த அவர் கூறியதாவது,

இந்தியாவில் முதன்முறையாக தமிழ்நாட்டில் வைரஸ் காய்ச்சலுக்காக ஒரு சிறப்பு காய்ச்சல் முகாம்கள் கடந்த மார்ச் 10-ம் தேதி நடத்தப்பட்டது. தமிழ்நாட்டில் காய்ச்சல் பாதிப்புகள் படிப்படியாக குறைந்து இன்புளுயன்சா வைரஸ் காய்ச்சல் பாதிப்புகள் முற்றிலும் இல்லாத நிலை நோக்கி அதாவது பூஜ்யம் என்கிற நிலை நோக்கிச் சென்று கொண்டிருக்கிறது என்று தெரிவித்தார்.