மிக்ஜாம் புயல் எதிரொலி: வங்கிகள், ஐ.டி. நிறுவனங்களுக்கு இன்று விடுமுறை

சென்னை : மிக்ஜாம் புயல்  இன்று காலை கரையை கடக்கும் என எதிா்பாா்க்கப்படும் நிலையில்,சென்னை, திருவள்ளூர், செங்கல்பட்டு, காஞ்சிபுரம் மாவட்டங்களில் உள்ள அனைத்து வங்கிகள்,  ஐடி, நிதி நிறுவனங்களுக்கு இன்று பொது விடுமுறை அறிவிக்கப்பட்டுள்ளது. 

மிக்ஜாம் புயல் காரணமாக, முன்னெச்சரிக்கை நடவடிக்கைகள் குறித்து வருவாய் துறை அமைச்சர் கே.கே.எஸ்.எஸ்.ஆர். ராமச்சந்திரன் மாநில அவசரகால செயல்பாட்டு மையத்தில் ஆய்வு மேற்கொண்டார்.  அப்போது மிக்ஜாம் புயல் காரணமாக தனியார் நிறுவனங்களுக்கு இன்று  விடுமுறை அளிப்பது தொடர்பாக முதல்வர் மு.க.ஸ்டாலின் அறிவிப்பார் என்று அமைச்சர் கே.கே.எஸ்.எஸ்.ஆர். ராமச்சந்திரன் செய்தியாளர்களிடம் தெரிவித்திருந்தார். மேலும், தனியார் நிறுவனங்கள் தங்களது பணியாளர்களின் நலன் கருதி முடிவெடுக்க வேண்டும் என்று அமைச்சர் தெரிவித்திருந்தார்.

இந்த நிலையில், மிக்ஜாம் புயல்  இன்று காலை கரையை கடக்கும் என எதிா்பாா்க்கப்படும் நிலையில்,சென்னை, திருவள்ளூர், செங்கல்பட்டு, காஞ்சிபுரம் மாவட்டங்களில் உள்ள அனைத்து வங்கிகள்,  ஐடி, நிதி நிறுவனங்களுக்கு இன்று பொது விடுமுறை அறிவித்து தமிழக அரசு அரசிதழில் வெளியிட்டுள்ளது.