முக்கிய செய்திகள்
Idhayam Matrimony

தேர்தல் நடத்தை விதிமீறல்: கோவையில் அண்ணாமலை: மீது போலீசார் வழக்குப்பதிவு

வெள்ளிக்கிழமை, 12 ஏப்ரல் 2024      தமிழகம்
Annamalai 1

கோவை, கோவையில் தேர்தல் நடத்தை விதிகளை மீறி பிரச்சாரம் செய்ததாக பா.ஜ.க. வேட்பாளர் அண்ணாமலை மீது வழக்குப்பதிவு செய்யப்பட்டுள்ளது.  

மக்களவைத் தேர்தலுக்கான வாக்குப்பதிவு தேதி நெருங்குவதை தொடர்ந்து அரசியல் கட்சிகளின் வேட்பாளர்கள் தங்களது பிரச்சாரத்தை தீவிரப்படுத்தியுள்ளனர். இந்நிலையில், கோவை மக்களவை தொகுதி பா.ஜ.க. வேட்பாளர் அண்ணாமலை நேற்று முன்தினம் (ஏப். 11) இரவு பீளமேடு ஆவாரம்பாளையம் பேருந்து நிறுத்தம் அருகே பிரச்சாரத்தில் ஈடுபட்டுக் கொண்டிருந்தார்.  

அப்போது தேர்தல் நடத்தை விதிகளை மீறி இரவு 10.40 மணி வரை அவர் பிரச்சாரம் செய்ததாக புகார் எழுந்தது. இது குறித்து, தேர்தல் பறக்கும்படை அதிகாரிகள் பீளமேடு போலீசாரிடம் புகார் அளித்தனர். அதில், இரவு 10 மணிக்கு பின்னரும், தேர்தல் நடத்தை விதிகளை மீறி பிரச்சாரத்தில் ஈடுபட்ட பா.ஜ.க. வேட்பாளர் அண்ணாமலை உள்ளிட்டோர் மீது வழக்குப்பதிவு செய்ய வேண்டும் எனக் கூறப்பட்டிருந்தது. 

அதன் பேரில், பீளமேடு போலீசார் 341, 293, 143 ஆகிய பிரிவுகளின் கீழ் பா.ஜ.க. வேட்பாளர் அண்ணாமலை மற்றும் நிர்வாகிகள் மீது நேற்று வழக்குப்பதிவு செய்தனர். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து