கும்கி 2 திரைவிமர்சனம்

நாயகன் மதி, மலை காட்டில் குழியில் சிக்கிக் கொண்ட குட்டி யானை ஒன்றை காப்பாற்றி வளர்க்கிறார். அந்த யானை ஒருநாள் திடீரென்று மாயமாகி விடுகிறது. யானையை தேடி அலைந்து சோர்ந்து போய், ஒரு கட்டத்தில் அதனை மறந்து கல்லூரிக்கு படிக்க சென்று விடுகிறான். 5 வருடங்களுக்குப் பிறகு யானை பற்றிய தகவல் வர, அந்த தகவலை வைத்து யானையை தேடி செல்கிறான். இறுதியில் அவனுக்கு யானை கிடைத்ததா?, யானை மாயமானதன் பின்னணி என்ன? என்பது தான் ‘கும்கி 2’.  நாயகனாக நடித்திருக்கும் அறிமுக நடிகர் மதி, ஹீரோவுக்கான அனைத்து அம்சங்களுடனும் நேர்த்தியாக நடிப்பை வெளிப்படுத்தி அசத்தி இருக்கிறார். ஷ்ரிதா ராவ், ஆண்ட்ரூஸ், அர்ஜுன் தாஸ், ஆகாஷ், போலீஸ் ஹரிஷ் பெராடி உள்ளிட்ட அனைவரும் சிறந்த நடிப்பைக் கொடுத்திருக்கிறார்கள். நிவாஸ் கே.பிரசன்னா இசையில் பாடல்கள் சுமார் ரகம். எம்.சுகுமாரின் கேமரா மொழி வழக்கம் போல் வியக்க வைக்கிறது . இயக்குநர் பிரபு சாலமனுக்கு வனமும், யானையும் புதிதல்ல என்பது போல், பார்வையாளர்களுக்கும் இந்த கதை புதிதல்ல என்பதாக இப்படம் வெளி வந்துள்ளது.  நாயகனுக்கும், யானைக்கும் இடையே இருக்கும் பாசப்போரட்டத்துடன் திரைக்கதையில் இன்னும் கவனம் செலுத்தி இருந்தால் படம் நிச்சயம் வென்றிருக்கும். மொத்தத்தில், கும்கி 2 வை ஒரு முறைப் பார்க்கலாம்.,