பாராளுமன்ற தேர்தல்: புதுச்சேரி மற்றும் தமிழ்நாட்டில் இன்று ஒரேகட்ட வாக்குப்பதிவு: விளவங்கோடு சட்டசபை தொகுதிக்கும் இடைத்தேர்தல்

சென்னை, தமிழ்நாட்டில் 39 தொகுதிகளிலும் மற்றும் புதுச்சேரியில் இன்று ஒரேகட்டமாக பாராளுமன்ற தேர்தலுக்கான வாக்குப்பதிவு நடைபெறவுள்ளது.

40 தொகுதிகளில்.... 

இந்தியாவின் மிகப்பெரிய ஜனநாயக தேர்தல் நாடு முழுவதும் நாளை தொடங்கி ஜூன் 1-ம் தேதி வரை நடைபெறவுள்ளது. 7 கட்டங்களாக பாராளுமன்ற மக்களவை தேர்தல் நடைபெற உள்ள நிலையில் முதல் கட்டமாக தமிழ்நாட்டில் 39 தொகுதிகளுக்கும், புதுச்சேரியில் ஒரு தொகுதி என மொத்தம் 40 தொகுதிகளுக்கு இன்று (ஏப். 19) ஒரே கட்டமாக வாக்குப்பதிவு நடைபெற உள்ளது.

950 வேட்பாளர்கள்... 

தமிழ்நாட்டில் உள்ள 39 மக்களவை தொகுதிகளில் 1085 வேட்பு மனுக்கள் ஏற்கப்பட்ட நிலையில் 135 மனுக்கள் திரும்ப பெறப்பட்டன. மொத்தமாக 874 ஆண்களும் 76 பெண்களும் என மொத்தம் 950 வேட்பாளர்கள் களத்தில் உள்ளனர். தமிழ்நாட்டைப் பொறுத்தவரையில் திமுக கூட்டணி, அதிமுக கூட்டணி, பாஜக கூட்டணி மற்றும் நாம் தமிழர் கட்சி என 4 முனை போட்டி நிலவுகிறது.

பிரசாரம் ஓய்ந்தது...

இதனையடுத்து வாக்குப்பதிவிற்கான இறுதிகட்ட பணிகளை தேர்தல் ஆணையம் தீவிரப்படுத்தியுள்ளது. இன்று தமிழ்நாட்டு மற்றும் புதுச்சேரியில் வாக்குப்பதிவு நடைபெறவுள்ள நிலையில், கடந்த 2 வாரங்களுக்கு மேலாக அனல்பறக்க நடந்துவந்த பிரசாரம் நேற்று முன்தினம் இன்று மாலை 6 மணியுடன் முடிவடைந்தது.

21 மாநிலங்களில்...

இன்று நடைபெறும் முதல் கட்டத் தேர்தலில் 21 மாநிலங்கள் மற்றும் யூனியன் பிரதேசங்களின் 102 தொகுதிகளில் வாக்குப்பதிவு நடைபெற உள்ளது. இதில் 10 மாநிலங்கள் மற்றும் யூனியன் பிரதேசங்கள் முழுமையாகவும், 11 மாநிலங்கள் மற்றும் யூனியன் பிரதேசங்கள் பகுதியளவும் தேர்தல் நடைபெறவுள்ளது.

அந்தமான் நிக்கோபார் தீவுகள் (1): அந்தமான் நிக்கோபார் தீவுகள், அருணாச்சலப் பிரதேசம் (2): அருணாச்சலப் பிரதேசம் கிழக்கு, அருணாச்சலப் பிரதேசம் மேற்கு, அசாம் (5): திப்ருகர், ஜோர்ஹாட், காசிரங்கா, லக்கிம்பூர், சோனித்பூர், பீகார் (4): அவுரங்காபாத், கயா, ஜமுய், நவாடா, சத்தீஸ்கர் (1): பஸ்தர், ஜம்மு மற்றும் காஷ்மீர் (1): உதம்பூர், லட்சத்தீவு (1): லட்சத்தீவு, மத்தியப் பிரதேசம் (6): சிந்த்வாரா, பாலகாட், ஜபல்பூர், மண்டலா, சித்தி, ஷாஹ்டோல், மகாராஷ்டிரா (5): நாக்பூர், சந்திராபூர், பண்டாரா-கோண்டியா, கட்சிரோலி-சிமூர், ராம்டெக், மணிப்பூர் (2): உள் மணிப்பூர், வெளி மணிப்பூர், மேகாலயா (2): ஷில்லாங், துரா, மிசோரம் (1): மிசோரம், நாகாலாந்து (1): நாகாலாந்து, புதுச்சேரி (1): புதுச்சேரி, ராஜஸ்தான் (12): கங்காநகர், பிகானேர், சுரு, ஜுன்ஜுனு, சிகார், ஜெய்ப்பூர் கிராமம், ஜெய்ப்பூர், அல்வார், பரத்பூர், கரௌலி-தோல்பூர், தௌசா, நாகௌர் சிக்கிம் (1): சிக்கிம்.

தமிழகத்தில்...

தமிழ்நாடு (39): திருவள்ளூர், சென்னை வடக்கு, சென்னை தெற்கு, சென்னை சென்ட்ரல், ஸ்ரீபெரும்புதூர், காஞ்சிபுரம், அரக்கோணம், வேலூர், கிருஷ்ணகிரி, தருமபுரி, திருவண்ணாமலை, ஆரணி, விழுப்புரம், கள்ளக்குறிச்சி, சேலம், நாமக்கல், ஈரோடு, திருப்பூர், நீலகிரி, கோவை , பொள்ளாச்சி, திண்டுக்கல், கரூர், திருச்சிராப்பள்ளி, பெரம்பலூர், கடலூர், சிதம்பரம், மயிலாடுதுறை, நாகப்பட்டினம், தஞ்சாவூர், சிவகங்கை, மதுரை, தேனி, விருதுநகர், ராமநாதபுரம், தூத்துக்குடி, தென்காசி, திருநெல்வேலி, கன்னியாகுமரி, திரிபுரா (1): திரிபுரா மேற்கு, உத்தரகாண்ட் (5): தெஹ்ரி கர்வால், கர்வால், அல்மோரா, நைனிடால்-உதம்சிங் நகர், ஹரித்வார், உத்தரப்பிரதேசம் (8): பிலிபித், சஹாரன்பூர், கைரானா, முசாபர்நகர், பிஜ்னோர், நாகினா, மொராதாபாத், ராம்பூர், மேற்கு வங்காளம் (3): கூச்பெஹார், அலிபுர்துவார்ஸ், ஜல்பைகுரி,  இந்த 21 மாநிலங்கள் மற்றும் யூனியன் பிரதேசங்களில் உள்ள 102 தொகுதிகளில் இன்று தேர்தல் நடைபெறவுள்ளது. 

சட்டமன்ற தேர்தல்...

அத்துடன் அருணாச்சலப் பிரதேசம் மற்றும் சிக்கிம் மாநிலங்களில் சட்டமன்ற தேர்தலும் இன்று நடைபெறவுள்ளது. இந்த சட்டமன்ற தேர்தலுக்கான வாக்கு எண்ணிக்கையும் ஜூன் 4-ம் தேதி நடைபெறுவதாக அறிவிக்கப்பட்டுள்ளது. தமிழகத்தில் விளவங்கோடு சட்டசபை தொகுதிக்கும் இன்று இடைத்தேர்தல் நடைபெறவுள்ளது குறிப்பிடத்தக்கது.