மகராஷ்டிர மாநிலத்தில் தேர்தல் அறிக்கை: அமித்ஷா வெளியிட்டார்

மும்பை : மராட்டிய மாநிலத்தில் சட்ட மன்ற தேர்தல் வருகிற 20-ம் தேதி நடைபெற உள்ளது. இந்த தேர்தலில் பா.ஜ.க. சிவசேனா( ஷிண்டே) தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணிக்கும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்பி) ஆகிய எதிர்க்கட்சிகளின் மகாவிகாஸ் அகாடி கூட்டணிக்கும் நேரடி போட்டி நிலவுகிறது. 

இந்த தேர்தலில் வெற்றி பெற்றே ஆக வேண்டிய கட்டாயத்தில் இரு கூட்டணிகளும் தேர்தல் களத்தில் வாக்குறுதிகளை அறிவித்து வருகின்றன.  இந்த நிலையில், பா.ஜ.க.வின் தேர்தல் அறிக்கை நேற்று வெளியிடப்பட்டுள்ளது. 

மத்திய உள்துறை  அமைச்சர் அமித்ஷா இந்த தேர்தல் அறிக்கையை வெளியிட்டார். இந்த தேர்தல் அறிக்கையில்,  விவசாயிகளுக்கு கடன் தள்ளுபடி, பெண்களுக்கு மாதம் ரூ.1,500-க்கு பதிலாக ரூ. 2,100 வழங்கப்படும். 25 லட்சம் பேருக்கு வேலை வாய்ப்பு வழங்கப்படும் உள்ளிட்டவைகள் இடம் பெற்றுள்ளன.