ஆகாஷ் முரளியை புகழ்ந்து தள்ளிய விஷ்ணுவர்தன்

மறைந்த நடிகர் முரளியின் இளைய மகனும், அதர்வா முரளியின் சகோதரருமான ஆகாஷ் முரளி கதாநாயகனாக அறிமுகமாகும் படம் நேசிப்பாயா. விஷ்ணுவர்தன் இயக்கி வரும் இந்த படத்தை எக்ஸ்பி பிலிம் கிரியேட்டர்ஸ் டாக்டர் எஸ். சேவியர் பிரிட்டோ தயாரிக்கிறார்.

இப்படத்தில் ஆகாஷ் முரளிக்கு ஜோடியாக அதிதி சங்கர் நடிக்கிறார். மேலும், பிரபு, குஷ்பு சுந்தர், ராஜா, கல்கி கோச்லின், ஷிவ் பண்டிட் உள்ளிட்ட பலர் நடித்துள்ளனர். யுவன் சங்கர் ராஜா இசை. படம் பற்றி பேசிய இயக்குநர் விஷ்ணுவர்தன், மிகவும் எதார்த்த திறமைமிக்க இயக்குனர் நடிகராக ஆகாஷ் முரளி மிளிர்வதாக குறிப்பிட்டார்.

அவர் குயவன் கையில் கிடைத்த களிமண் போன்றவர் என ஆகாஷ் முரளியை விஷ்ணுவர்தன் புகழ்ந்து தள்ளினார். அதேபோல் மிகவும் எதார்த்த நடிகையாக இருந்ததால் தான் இப்படத்தில் அதிதி சங்கரை நேர்ந்தெடுத்தோம். பிரபு, குஷ்பு இருவரும் இப்படத்தில் இணைந்து நடித்திருந்தாலும் இருவருக்கும் வெவ்வேறு கேரக்டர்கள்தான் என்றார்.