கண்நீரா இசை வெளியீட்டு விழா

உத்ரா ப்ரொடக்ஷன்ஸ் மற்றும் More 4  Production  தயாரிப்பில், இயக்குநர் கதிரவென் எழுதி இயக்கி, நாயகனாக நடித்துள்ள படம் " கண்நீரா ". மாறுப்பட்ட கதை களத்தில் வித்தியாசமான காதல் கதையாக உருவாகியுள்ள இப்படம் விரைவில் திரைக்கு வரவுள்ள நிலையில், இப்படத்தின் இசை வெளியீட்டு விழா சமீபத்தில் நடைபெற்றது.

இந்நிகழ்வினில் ஹரி உத்ரா  பேசியதாவது....உத்ரா ப்ரொடக்ஷன்ஸ் செய்யும் மூன்றாவது படம் இது. மலேசியாவில் எடுத்ததால், இங்குள்ள ரசிகர்கள் ரசிக்கும் வண்ணம் பல விசயங்களை மாற்றியுள்ளோம் என்றார். அதன் பின்னர் பேசிய இப்படத்தின் இயக்குநர் கதிரவென்,  மலேசியாவில் தான் முழுமையாக இப்படத்தை, உருவாக்கி உள்ளோம்.

இப்படத்திற்கு எனது மனைவி கதை எழுதி உள்ளார்.  மலேசியாவிலிருந்தபோது,  இந்த கதையை என்னிடம் அவர் சொன்னார் மிக அருமையாக இருந்தது. இப்படத்தை என் மனைவி இயக்க வேண்டியது, சில காரணங்களால் நான் இயக்க வேண்டியதாயிற்று என்று கூறினார்.