கவர்னரை திட்டமிட்டு வெளியேற்றியுள்ளனர் எடப்பாடி பழனிசாமி குற்றச்சாட்டு

சென்னை: பேரவையிலிருந்து கவர்னர் வெளியேறவில்லை, திட்டமிட்டு வெளியேற வைத்துள்ளனர் என எடப்பாடி பழனிசாமி குற்றச்சாட்டியுள்ளார்.

தமிழக சட்டப்பேரவைக் கூட்டத் தொடர் நேற்று காலை தொடங்கியது. ஆங்கில புத்தாண்டின் முதல் சட்டப்பேரவைக் கூட்டத் தொடா் கவர்னர் உரையுடன் தொடங்குவது வழக்கம். அந்த வகையில் நிகழாண்டும் சட்டப்பேரவைக் கூட்டத் தொடரை தனது உரையுடன் கவர்னர் ஆா்.என்.ரவி தொடங்கி வைப்பதற்காக வருகை தந்தார். வழக்கம் போல பேரவைக் கூடியதும், கவர்னர் ஆர்.என். ரவி உரையாற்றத் தொடங்குவார் என்று எதிர்பார்க்கப்பட்டது. ஆனால், தமிழ்த்தாய் வாழ்த்து வாசிக்கப்பட்டதும் யாரும் எதிர்பாராத வகையில், திடீரென, கவர்னர் ஆர்.என். ரவி அவையிலிருந்து வெளியேறினார்.

இந்த நிலையில், அண்ணா பல்கலை மாணவி பாலியல் வன்கொடுமை சம்பவம் தொடர்பாக அ.தி.மு.க. உறுப்பினர்கள் முழக்கமிட்டதால், அவர்கள் வெளியேற்றப்பட்டனர். பேரவையிலிருந்து வெளியேறிய எடப்பாடி பழனிசாமி, பேசுகையில், தமிழ்நாடு சட்டபேரவையை கவர்னர் புறக்கணித்துச் செல்லவில்லை. திட்டமிட்டு வெளியேற வைத்துள்ளனர். கவர்னரை உரையாற்றக் கூடதென்று திட்டமிட்டு வெளியேற வைத்துள்ளனர்.