வேலுநாச்சியார் பட டீசர் வெளியீடு

டிரண்ட்ஸ் சினிமாஸ் ஜெ.எம்.பஷீர் தயாரிக்கும் இத்திரைப்படத்தை ஆர்.அரவிந்தராஜ் இயக்க, வேலுநாச்சியாராக முதன்மை வேடத்தில் நடித்து திரையுலகில் அறிமுகம் ஆகிறார் ஆயிஷா. 'வீரமங்கை வேலுநாச்சியார்' திரைப்படத்தில் முக்கிய பாத்திரமான பெரிய மருதாக இப்படத்தின் தயாரிப்பாளரான ஜெ.எம்.பஷீர் நடிக்கிறார்.

இவரது மகள் தான் ஆயிஷா என்பது குறிப்பிடத்தக்கது. 'வீரமங்கை வேலுநாச்சியார்' திரைப்படத்தின் மோஷன் பிக்சர் டீசர் வேலுநாச்சியாரின் பிறந்த நாளான ஜனவரி 3 அன்று வெளியிடப்பட்டது.

வேலுநாச்சியாரின் வாழ்க்கை வரலாற்று திரைப்படத்தின் படப்பிடிப்பு அடுத்த மாதம் லண்டனில் நடைபெற உள்ளது. அதே போல் அடுத்த ஆண்டு வேலு நாச்சியாரின் பிறந்தநாளின் போது இத்திரைப்படம்  வெளியாகும் என்று  படக்குழு அறிவித்துள்ளது.