மேட்டூர் அணை நீர்மட்டம் சரிவு

மேட்டூர், மேட்டூர் அணையிலிருந்து காவிரி டெல்டா பாசனத்திற்கு திறக்கப்படும் நீரின் அளவு வினாடிக்கு 8,000 கனஅடியாக குறைக்கப்பட்டுள்ளது. இதனால் அணையின் நீர்மட்டம் 116 அடியாக சரிந்துள்ளது.

நேற்று காலை மேட்டூர் அணையின் நீர்மட்டம் 116.65 அடியில் இருந்து 116.10 அடியாக சரிந்துள்ளது. அணைக்கு வரும் நீரின் அளவு வினாடிக்கு 694 கன அடியிலிருந்து வினாடிக்கு 831 கன அடியாக அதிகரித்துள்ளது. மேட்டூர் அணையிலிருந்து காவிரி டெல்டா பாசனத்திற்கு திறக்கப்படும் நீரின் அளவு வினாடிக்கு 10,000 கன அடியிலிருந்து வினாடிக்கு 8000 கன அடியாக குறைக்கப்பட்டது. கிழக்கு மேற்கு கால்வாய் பாசனத்திற்கு வினாடிக்கு 300 கன அடி வீதம் தண்ணீர் திறக்கப்பட்டு வருகிறது. நீர் இருப்பு 87.38 டிஎம்சியாக உள்ளது.