மத கஜ ராஜா விமர்சனம்

திருமணம் ஒன்றில் தனது சிறு வயது பள்ளி நண்பர்களை சந்தித்து பேசிக்கொண்டு இருக்கும் போது, அவர்கள் அனைவரும் ஒருவனால் பெரும் பிரச்சனையில் சிக்கியிருப்பது தெரிய வருகிறது.

இதற்கு காரணம் ஒரு தொழிலதிபர்தான் என்பதும் தெரிய வருகிறது. அவரிடம் சமாதானமாக பேசி நண்பர்களின் பிரச்சனைகளை தீர்க்கும் முயற்சியில் விஷால் ஈடுபடுகிறார். ஆனால், விஷாலை தொழிலதிபர் உதாசினப்படுத்த பின்னர் பிரச்சனை எப்படி உருவெடுக்கிறது, அந்த தொழிபதிபர் நிலமை என்னவாயிற்று.. என்பதை சொல்லும் படந்தான் மத கஜ ராஜா’.

12 வருடங்களுக்கு முன்பு எடுக்கப்பட்ட படம் என்பதால் விஷால் இளமையாக இருக்கிறார். நாயகிகளாக நடித்திருக்கும் அஞ்சலி மற்றும் வரலட்சுமி சரத்குமார் இருவரும் போட்டி போட்டு நடித்திருக்கிறார்கள். வில்லனாக நடித்திருக்கும் சூனு சூட், வழக்கமான பணக்கார வில்லன் வேடத்தில் கச்சிதமாக நடித்திருக்கிறார்.

மனோபாலா, சுவாமிநாதன் ஆகியோருடன் சந்தானம் கூட்டணி காமெடி காட்சிகள் சரவெடியாக வெடிக்கிறது. விஜய் ஆண்டனி இசையில் பாடல்கள் அனைத்தும் கமர்ஷியலாகவும், மக்களை குஷிப்படுத்தும் விதத்திலும் அமைந்திருக்கிறது. மொத்தத்தில், மத கஜ ராஜா பழசானலும் புதுசுதான். பார்க்கலாம்  ரசிக்கலாம்.