கூத்தாடி கூற்றை உடைத்தவர்: எம்.ஜி.ஆர். 108-வது பிறந்தநாளில் த.வெ.க. தலைவர் விஜய் புகழாரம்

சென்னை: கூத்தாடி என்ற கூற்றை உடைத்தவர் எம்.ஜி.ஆர்  என்றும் தமிழக அரசியல் வரலாற்றின் மையம் எம்.ஜி.ஆர். என்றும் த.வெ.க. தலைவர் விஜய் தெரிவித்துள்ளார்.

மறைந்த தமிழ்நாடு முன்னாள் முதல்வரும், அ.தி.மு.க. நிறுவனத்தலைவருமான எம்.ஜி.ஆரின் 108-வது பிறந்த நாள் நேற்று கொண்டாடப்பட்டது.   இந்த நிலையில்  எம்.ஜி.ஆரின் பிறந்தநாளை முன்னிட்டு தமிழக வெற்றிக் கழக தலைவர் விஜய் வெளியிட்டுள்ள பதிவில், "அளவற்ற வறுமையைத் தாண்டினார். கூத்தாடி என்ற கூற்றைச் சுக்குநூறாக உடைத்து, தமிழக அரசியல் வரலாற்றின் மையம் ஆனார். அசைக்க முடியாத வெற்றியாளர் ஆனார். அவரே தமிழக அரசியலின் அதிசயம் ஆனார். இறந்தும் வாழும், புரட்சித் தலைவருக்குப் பிறந்தநாள் வணக்கம்" என்று தெரிவித்துள்ளார்.