புனேவில் விபத்து - 9 பேர் பலி

புனே : புனேவில் சாலையோரம் நிறுத்தப்பட்டிருந்த பேருந்து மீது மினி வேன் மோதியதில் 9 பேர் பலியானார்கள்.

மகாராஷ்டிர மாநிலம், புனே-நாசிக் நெடுஞ்சாலையில்  மினி வேன் ஒன்று நாராயண்கோன் நோக்கிச் சென்று கொண்டிருந்தது.  அப்போது பின்னால் வந்த டெம்போ அதன் மீது மோதியதால்  சாலையோரம் நின்றுகொண்டிருந்த பேருந்து மீது மினி வேன்  பயங்கரமாக மோதியது.

இந்த சம்பவத்தில் 9 பேர் பலியானார்கள். தகவல் கிடைத்ததும் சம்பவ இடத்திற்கு விரைந்த காவல்துறையினர் மீட்பு நடவடிக்கையில் ஈடுபட்டனர். விபத்தில் மினிவேனில் இருந்த 9 பேரும் பலியானதாக காவல்துறையினர் தெரிவித்துள்ளனர். மேலும் இதுதொடர்பாக விசாரணை நடைபெற்று வருகிறது.