விஷ்ணு மஞ்சு நடிக்கும் கண்ணப்பா

ஏ.வி.ஏ. எண்டர்டெயின்மெண்ட் மற்றும் 24 ஃபிரேம் பேக்டரி நிறுவனங்கள் சார்பில் பிரபல நடிகர் மோகன் பாபு தயாரித்திருக்கும் பிரமாண்ட சரித்திர படம் கண்ணப்பா.

இதில், பிரபல நடிகரும், தயாரிப்பாளருமான விஷ்ணு மஞ்சு கண்ணப்பாவாக நடித்திருக்கிறார். நாயகியாக ப்ரீத்தி முகுந்தன் நடித்திருக்கிறார். இவர்களுடன் மோகன் பாபு, சரத்குமார், மோகன்லால், அக்‌ஷய் குமார், பிரபாஸ், காஜல் அகர்வால், மதுபாலா உள்ளிட்ட பலர் நடித்திருக்கிறார்கள்.

பரச்சூரி கோபால கிருஷ்ணா, ஈஸ்வர் ரெட்டி, ஜி.நாகேஸ்வர ரெட்டி, தோட்டா பிரசாத் ஆகியோரின்   கதைக்கு விஷ்ணு மஞ்சு திரைக்கதை எழுதியிருக்கிறார். முகேஷ் குமார் சிங் இயக்கியிருக்கிறார். அமெரிக்காவைச் சேர்ந்த ஷெல்டன் சாவ் ஒளிப்பதிவு செய்திருக்கும் இப்படத்திற்கு ஸ்டீபன் தேவசி இசையமைக்க, ஆண்டனி படத்தொகுப்பு செய்துள்ளார்.

பிரபு தேவா மூன்று பாடல்களுக்கு நடனம் அமைத்திருக்கிறார். வரும் ஏப்ரல் 25 ஆம் தேதி உலகம் முழுவதும் தமிழ், தெலுங்கு, கன்னடம், தெலுங்கு, இந்தி ஆகிய மொழிகளில் பான் இந்தியா திரைப்படமாக வெளியாக உள்ள ‘கண்ணப்பா’ திரைப்படத்தின் பத்திரிகையாளர்கள் சந்திப்பு சமீபத்தில் நடைபெற்றது.

இதில் படக்குழு கலந்து கொண்டு படம் பற்றிய தகவல்களை பகிர்ந்து கொண்டார்கள். அப்போது பேசிய விஷ்ணு மஞ்சு, கண்ணப்பா படத்துக்காக நாங்கள் அதிகம் கஷ்ட்டப்பட்டிருக்கிறோம், ஏப்ரல் 25 ஆம் தேதி இப்படம் வெளியாகிறது. நிச்சயம் படம் உங்களுக்கு பிடிக்கும், எங்களுக்கு உங்கள் ஆதரவைத் தரவேண்டும் நன்றி என்றார்.