கிளர்ச்சியாளர்கள் திடீர் தாக்குதல்: கொலம்பியாவில் 80 பேர் பலி

போகோடா : பார்க் அமைப்பைச் சேர்ந்தவர்களை வீடு வீடாகத் தேடிச் சென்று இ.எல்.என். அமைப்பினர் படுகொலை செய்து வருகின்றனர். அப்பகுதிகளில் இருந்த சுமார் 5 ஆயிரம் பேர் தங்கள் வீடுகளை கைவிட்டு இடம் பெயர்ந்துள்ளனர்.

தென் அமெரிக்க நாடான கொலம்பியாவில் இரு இடதுசாரி கொரில்லா ஆயுதக் குழுக்கள் இடையிலான மோதலில் 80 பேர் உயிரிழந்தனர். வெனிசுலாவை ஒட்டிய கொலம்பிய எல்லைப் பிரதேசத்தில் உள்ள கேட்டடம்போ பகுதியில் தேசிய விடுதலை ராணுவம் (இ.எல்.என்.), கொலம்பிய புரட்சிகர ஆயுதப் படை (ஃபார்க்) ஆகிய இரு ஆயுதக் குழுக்களுக்கு இடையில் மோதல் வெடித்துள்ளது.

ஃபார்க் அமைப்பு கடந்த 2017-ம் ஆண்டு நிராயுதபாணியை செயல்படாமல் இருந்தது. இந்நிலையில் ஃபார்க் அமைப்பைச் சேர்ந்தவர்களை  வீடு வீடாகத் தேடிச் சென்று இ.எல்.என். அமைப்பினர் படுகொலை செய்து வருகின்றனர்.

இரு குழுக்களின் வன்முறைக்கு மத்தியில் பொதுமக்கள் சிக்கியுள்ளதால் அங்கு பரபரப்பான சூழல் நிலவுகிறது.  கடந்த வியாழக்கிழமை முதல் 3 நாளில் இதுவரை 80 பேர் உயிரிழந்துள்ளதாக கொலம்பிய அதிகாரிகள் தெரிவித்துள்ளனர். கடந்த வியாழன் முதல் வன்முறை சம்பவங்கள் வேகமாக அதிகரித்து வரும் நிலையில் அப்பகுதிகளில் இருந்து சுமார் 5 ஆயிரம் பேர் தங்கள் வீடுகளை கைவிட்டு இடம்பெயர்ந்துள்ளனர். பாதுகாப்பை பலப்படுத்த 5 ஆயிரத்திக்கும் மேற்பட்ட வீரர்கள் அப்பகுதிக்கு அனுப்பப்பட்டுள்ளதாக ராணுவம் தெரிவித்துள்ளது.

இந்தத் தாக்குதலைத் தொடர்ந்து, இ.எல்.என்.னுடன் நடத்தி வந்த போர் நிறுத்தப் பேச்சுவார்த்தையை கொலம்பியா அரசு நிறுத்திவைத்துள்ளது. நாட்டின் மிகப்பெரிய கோகைன் வர்த்தக தலமாக உள்ள இப்பகுதியில் யார் வர்தகத்தை கட்டுப்படுத்துவது என்பது தொடர்பாக போட்டி குழுக்கள் பல ஆண்டுகளாக இப்பகுதியில் சண்டையிட்டு வருகின்றன.