இன்று முக்கிய அறிவிப்பு வெளியாகிறது: தமிழக முதல்வர் மு.க.ஸ்டாலின் சூசகம்

சென்னை : இன்று முக்கிய அறிவிப்பு ஒன்றை வெளியிடப் போவதாக  முதல்வர் மு.க.ஸ்டாலின் தெரிவித்துள்ளார்.

முதல்வர் மு.க.ஸ்டாலின் 'எக்ஸ்' தளத்தில் வெளியிட்டுள்ள பதிவில் கூறப்பட்டிருப்பதாவது:- "நாளை (அதாவது இன்று) முக்கிய அறிவிப்பொன்று வெளியாகிறது. வாய்ப்புள்ளோர் வருகை தாருங்கள்! மற்றவர்கள் நேரலையில் காண வேண்டும்" என்று தெரிவித்துள்ளார். 

மேலும் நிதித்துறை அமைச்சர் தங்கம் தென்னரசு 'எக்ஸ்' தளத்தில் வெளியிட்டுள்ள பதிவில் கூறப்பட்டிருப்பதாவது:- "இந்திய துணைக் கண்ட வரலாற்றின் கண்ணோட்டத்தை மாற்றி அமைக்கும் 'இரும்பின் தொன்மை' எனும் நூலை வெளியிட்டு கீழடி திறந்தவெளி அருங்காட்சியகம், கங்கைகொண்ட சோழபுரம் அருங்காட்சியகம் ஆகியவற்றுக்கு அடிக்கல் நாட்டுதல் மற்றும் கீழடி இணையதளத்தை தமிழக முதல்வர் மு.க.ஸ்டாலின் தொடங்கி வைக்கும் நிகழ்வு 23.01.2025 அன்று காலை 10 மணி அளவில் அண்ணா நூற்றாண்டு நூலக அரங்கில் நடைபெற உள்ளது. அனைவரும் வருக." இவ்வாறு அதில் கூறப்பட்டுள்ளது.