மத்திய அமைச்சர் அமித்ஷா 31-ம் தேதி தமிழகம் வருகிறார்?

சென்னை: வருகிற 31-ம் தேதி மத்திய மந்திரி அமித்ஷா தமிழகம் வருகை தர உள்ளதாக கூறப்படுகிறது.

மத்திய உள்துறை மந்திரி அமித்ஷா வருகிற 31-ம் தேதி தமிழ்நாட்டிற்கு வர உள்ளதாக தகவல் வெளியாகியுள்ளது. தமிழகம் வரும் அவர் பா.ஜ.க. மாநிலத் தலைவர் தொடர்பான ஆலோசனைக் கூட்டத்தில் பங்கேற்க உள்ளதாக கூறப்படுகிறது. பா.ஜ.க. தமிழக பொறுப்பாளர் கிஷன் ரெட்டி தலைமையில் அடுத்த மாநிலத் தலைவர் குறித்து ஆலோசனை கூட்டம் நடைபெற உள்ளது.

அதனை தொடர்ந்து கட்சியை வலுப்படுத்துவது உள்பட பல்வேறு முக்கிய விவகாரங்கள் குறித்து அமித்ஷா ஆலோசனை நடத்துவார் என தெரிகிறது. மத்திய மந்திரி அமித்ஷா வருகைக்காக, காவல்துறை தரப்பில் பாதுகாப்புகளை மேற்கொள்ள ஏற்பாடுகள் செய்யப்பட்டு வருவதாக தகவல்கள் வெளியாகியுள்ளன. மேலும் பா.ஜ.க. சார்பில் உற்சாக வரவேற்பு அளிக்கவும் திட்டமிட்டுள்ளதாகத் தகவல் வெளியாகியுள்ளது.