வெற்றிமாறன் தயாரிக்கும் Bad Girl

வெற்றிமாறன் தயாரிப்பில், அஞ்சலி சிவராமன், சாந்தி பிரியா, ஹ்ரிது ஹருண், 'TeeJay' அருணாசலம் மற்றும் சரண்யா ரவிச்சந்திரன் நடிப்பில், வெற்றிமாறனின் உதவி இயக்குனர் வர்ஷா பரத்தின் இயக்கத்தில் உருவான Bad Girl படத்தின் டீசர் வெளியீட்டு விழா சென்னையில் சமீபத்தில் நடைபெற்றது. பெண்ணின் வாழ்வியலை மையப்படுத்தி எடுக்கப்பட்ட இந்த Bad Girl படத்தின்  தயாரிப்பாளரான வெற்றிமாறன் அப்போது பேசுகையில்,  என்னுடன் இணைந்து அனுராக் கேஷ்யப் தயாரிக்கும் முதல் தமிழ் படம் இதுதான். இசையமைப்பாளர் அமித் திரிவேதிக்கும் இதுதான் முதல் படம். ரோட்டர் டாம்  திரைப்பட விழாவில் Tiger Competetion பிரிவில், முதல் பெண் இயக்குனரான வர்ஷா பரத்தின் Bad Girl படமும் இடம்பெற்று இருப்பது தனிச்சிறப்பு என்று கூறினார். படத்தின் இயக்குனர் வர்ஷாபரத் பேசுகையில், நம் தமிழ் சினிமாவில் பெண் என்றால் தாய், கடவுள், தேவதை இப்படி பல விதமாக காட்டப்பட்டிருக்கிறார்கள். ஆனால் ஒரு பெண் என்ன நினைக்கிறாள், அவளின் உண்மையான உணர்வு என்ன என்பதை சொல்லக்கூடிய கதை தான் இந்த Bad Girl.  பெண்களை புனிதர்களாக பார்க்காதீர்கள், மனிதர்களாக பாருங்கள் என்று தான் இந்த படம் கூறுகிறது என்றார்.