தங்கம் விலை சற்று சரிவு

சென்னை : தங்கத்தின் விலை நேற்று சற்று குறைந்து விற்பனையானது. 

தங்கம் விலையில் ஏற்ற, இறக்கம் தொடருகிறது. கடந்த மாதம் 26, 27-ம் தேதிகளில் விலை அதிகரித்து, பின்னர் விலை குறைந்த தங்கம், இந்த மாதம் தொடக்கத்தில் இருந்து மீண்டும் ஏறுமுகத்தில் காணப்பட்டது. கடந்த 22-ம் தேதி தங்கம் விலை சவரனுக்கு ரூ.600 உயர்ந்து ரூ.60 ஆயிரத்தை கடந்து விற்பனையானது. 

அதனை தொடர்ந்து தங்கம் விலை ஏற்ற, இறக்கத்துடன் காணப்பட்டு வருகிறது. நேற்றுமுன்தினம் தங்கம் விலை சவரனுக்கு ரூ.120 குறைந்து ரூ. 60,320-க்கு விற்பனை செய்யப்பட்டது. இந்த நிலையில் நேற்று தங்கம் விலை மேலும் குறைந்து விற்பனையானது. அதன்படி சென்னையில் 22 கேரட் ஆபரணத் தங்கத்தின் விலை  சவரனுக்கு ரூ.240 குறைந்து ரூ. 60,080-க்கு விற்பனையானது. தங்கம் விலை கிராமுக்கு ரூ.30 குறைந்து ரூ.7,510-க்கு விற்பனையானது. வெள்ளி விலை எவ்வித மாற்றம் இன்றி ஒரு கிராம் ரூ.104-க்கு விற்பனையானது.