புதிய அ.தி.மு.க. அமைப்பு செயலாளர்கள் நியமனம் : இ.பி.எஸ். அறிவிப்பு

சென்னை : அ.தி.மு.க. அமைப்பு செயலாளர்களாக நான்கு பேர் நியமனம் செய்யப்பட்டுள்ளனர்.

அ.தி.மு.க. பொதுச் செயலாளர் எடப்பாடி பழனிசாமி வெளியிட்டுள்ள அறிக்கையில் கூறியிருப்பதாவது:-

அனைத்திந்திய அண்ணா திராவிட முன்னேற்றக் கழக அமைப்புச் செயலாளர் பொறுப்பில் செ.ம வேலுசாமி (முன்னாள் அமைச்சர், கோவை மாநகர் மாவட்டம் ), முல்லை வேந்தன் (முன்னாள் அமைச்சர், தருமபுரி மாவட்டம்),   வி. மைத்ரேயன்,  முன்னாள் எம்.பி., (தென் சென்னை தெற்கு (கிழக்கு) மாவட்டம்), சின்னசாமி, முன்னாள் எம்.எல்.ஏ. (சிங்காநல்லூர் சட்டமன்றத் தொகுதி, கோவை மாநகர் மாவட்டம்) ஆகியோர்  நியமிக்கப்படுகிறார்கள். கழக உடன்பிறப்புகள் இவர்களுக்கு முழு ஒத்துழைப்பு நல்கிடக் கேட்டுக்கொள்கிறேன். இவ்வாறு அதில் தெரிவிக்கப்பட்டுள்ளது.